جنوب مغربی چین کی چونگ چنگ (Chongqing) میونسپلٹی میں شدید بارشوں کے باعث پہاڑی تودہ گرنے سے کم از کم 8 افراد ہلاک جبکہ 34 لاپتا ہوگئے ہیں۔ حکام کے مطابق 10 افراد کو بحفاظت نکال لیا گیا ہے اور لاپتا افراد کی تلاش کے لیے بڑے پیمانے پر امدادی کارروائیاں جاری ہیں۔
✨🇨🇳 A mountain collapsed in Chongqing at 9 AM today, sending rocks and mud crashing into houses and roads below. Rescue teams are already on-site, and 7 people have been rescued so far. Praying everyone is safe! 🙏 🙏🙏 pic.twitter.com/5SQWsVxh8s
— Byte Sage (@wang1644) July 17, 2026
مقامی حکام نے بتایا کہ یہ حادثہ جمعہ کی صبح 9 بج کر 8 منٹ پر چونگ چنگ کے پینگ شوئی میاؤ اور توجیا خودمختار کاؤنٹی کے ہان جیا سب ڈسٹرکٹ میں دریائے ووجیانگ (Wujiang River) کے کنارے پیش آیا، جہاں شدید بارشوں کے نتیجے میں پہاڑ کا بڑا حصہ سرک گیا۔
مزید پڑھیں:پاکستان سے چین کو گدھے کے گوشت کی برآمد کا باقاعدہ آغاز، پہلی کھیپ تیانجن بندرگاہ پہنچ گئی
حادثے کے باعث 10 سے زائد رہائشی عمارتیں ملبے تلے دب گئیں، جبکہ متعدد افراد پھنس گئے یا لاپتا ہوگئے۔
چین کی وزارتِ ایمرجنسی مینجمنٹ نے صورتحال کے پیش نظر ارضیاتی آفات کے لیے لیول ٹو (Level-II) قومی ہنگامی ردعمل نافذ کر دیا ہے۔ وزارت کے ایک اعلیٰ عہدیدار کی سربراہی میں خصوصی ٹیم جائے وقوعہ پر پہنچ گئی ہے تاکہ امدادی اور ریسکیو سرگرمیوں کی نگرانی کی جا سکے۔
A landslide on the outskirts of the southwestern Chinese city of Chongqing has killed at least eight people and left 34 missing.
10 residential buildings have been buried, forcing more than a thousand residents to evacuate. pic.twitter.com/cgnQLUrye8
— Al Jazeera English (@AJEnglish) July 18, 2026
سرکاری انجینئرنگ ریسکیو فورس چائنا اینینگ کنسٹرکشن گروپ نے 110 ماہر امدادی اہلکار، جن میں انجینئرز اور ارضیات کے ماہرین بھی شامل ہیں، متاثرہ علاقے روانہ کیے ہیں۔ اس کے علاوہ جدید تلاش و بچاؤ کے لیے 50 خصوصی مشینیں اور آلات بھی فراہم کیے گئے ہیں۔
دوسری جانب چونگ چنگ فائر بریگیڈ نے 8 مختلف فائر فائٹنگ یونٹس سے تعلق رکھنے والے 400 سے زائد تربیت یافتہ ریسکیو اہلکار، مواصلاتی ٹیمیں اور طبی عملہ بھی امدادی کارروائیوں میں شریک کر دیا ہے۔
مزید پڑھیں:چترال میں گھر پر برف کا تودہ گرنے سے 9 مکین جاں بحق
حکام کے مطابق ریسکیو ٹیمیں ملبے تلے دبے افراد کو تلاش کرنے کے لیے مسلسل کارروائیاں کر رہی ہیں، تاہم بارش اور زمین کے مزید سرکنے کے خدشات کے باعث آپریشن کو شدید مشکلات کا سامنا ہے۔
