ترکیہ کے مشرقی صوبے ملاتیا میں ہفتے کی صبح 5.0 شدت کا زلزلہ آیا، جس کے جھٹکے کئی قریبی صوبوں میں بھی محسوس کیے گئے۔ حکام کے مطابق ابتدائی اطلاعات میں کسی جانی یا مالی نقصان کی اطلاع نہیں ملی۔
ترکیہ کے ڈیزاسٹر اینڈ ایمرجنسی مینجمنٹ اتھارٹی کے مطابق زلزلہ مقامی وقت کے مطابق صبح 6 بج کر 20 منٹ پر آیا، جس کا مرکز صوبہ ملاتیا کے ضلع بطلغازی میں تھا، جبکہ اس کی گہرائی 15.59 کلومیٹر ریکارڈ کی گئی۔
أفادت وكالة الأناضول نقلا عن هيئة إدارة الكوارث التركية بأن زلزالا بقوة 5 درجات ضرب جنوب شرقي تركيا دون تسجيل أضرار أو خسائر بشرية pic.twitter.com/C0vy2tUW7V
— الجزيرة مباشر (@ajmubasher) July 18, 2026
زلزلے کے جھٹکے ملاتیا کے علاوہ الازیغ، آدی یامان، تونج ایلی اور شانلی عرفہ سمیت قریبی صوبوں میں بھی محسوس کیے گئے، جس کے باعث شہری گھروں سے باہر نکل آئے۔
ابتدائی جائزے کے مطابق زلزلے سے کسی جانی یا مالی نقصان کی اطلاع موصول نہیں ہوئی، تاہم متعلقہ ادارے صورتحال پر مسلسل نظر رکھے ہوئے ہیں۔
یہ بھی پڑھیں:ترکیہ زلزلہ: پاکستانی امدادی ٹیم تالیوں کی گونج میں وطن روانہ
ترکیہ کے وزیر ماحولیات، شہری ترقی اور موسمیاتی تبدیلی مراد کورم نے سوشل میڈیا پر اپنے بیان میں کہا کہ بطلغازی میں آنے والے زلزلے کے بعد اب تک کسی ناخوشگوار واقعے کی اطلاع نہیں ملی، تاہم تمام موصول ہونے والی اطلاعات کا تفصیلی جائزہ لیا جا رہا ہے۔
