نائب وزیراعظم و وزیر خارجہ اسحاق ڈار نے فلپائن کے دارالحکومت منیلا میں آسیان ریجنل فورم کے موقع پر عمان کے وزیر خارجہ سید بدر بن حمد البوسعیدی سے ملاقات کی۔
یہ بھی پڑھیں: پی آئی اے کا عمان سے پاکستان پروازیں دوبارہ بحال کرنے کا اعلان
ترجمان دفتر خارجہ کے مطابق مذکورہ ملاقات میں دوطرفہ تعلقات، علاقائی صورتحال اور بین الاقوامی امور پر تبادلہ خیال کیا گیا۔
Deputy Prime Minister/Foreign Minister Senator Mohammad Ishaq Dar @MIshaqDar50 met with Sayyid Badr bin Hamad Al Busaidi, Foreign Minister of the Sultanate of Oman, on the sidelines of the ASEAN Regional Forum #ARF2026 in Manila.
The two leaders expressed satisfaction with the… pic.twitter.com/X42Ucbav5g
— Ministry of Foreign Affairs – Pakistan (@ForeignOfficePk) July 23, 2026
دونوں رہنماؤں نے پاکستان اور عمان کے درمیان دوطرفہ تعاون کی مثبت پیش رفت پر اطمینان کا اظہار کرتے ہوئے اعلیٰ سطح کے روابط، تجارت اور سرمایہ کاری میں اضافے، عوامی روابط، کاروباری شعبوں کے درمیان تعاون اور کثیرالجہتی فورمز پر مسلسل رابطہ کاری کو مزید فروغ دینے پر اتفاق کیا۔
ملاقات کے دوران دونوں وزرائے خارجہ نے خطے اور عالمی سطح پر تازہ ترین پیش رفت پر بھی تبادلہ خیال کیا، عمان کے وزیر خارجہ نے خطے میں مکالمے، کشیدگی میں کمی اور امن و سلامتی کے فروغ کے لیے پاکستان کے تعمیری کردار کو سراہا۔
مزید پڑھیں: عمان پر حالیہ حملوں کے بعد پاکستان کا اظہارِ یکجہتی، سفارت کاری کی بحالی پر زور
دونوں رہنماؤں نے خطے میں حالیہ پیشرفت پر تشویش کا اظہار کرتے ہوئے جنگ بندی برقرار رکھنے، بین الاقوامی قانون کے احترام اور خطے میں دیرپا امن و استحکام کے لیے مشترکہ کوششوں کی ضرورت پر زور دیا۔
ملاقات کے اختتام پر پاکستان اور عمان کے وزرائے خارجہ نے باہمی رابطے برقرار رکھنے اور مختلف شعبوں میں تعاون کو مزید وسعت دینے پر اتفاق کیا۔
