ملک کے مختلف حصوں میں بارشوں کا نیا سلسلہ شروع ہوگیا ہے، جبکہ وفاقی دارالحکومت اسلام آباد، راولپنڈی اور ملحقہ بالائی علاقوں میں گزشتہ رات سے وقفے وقفے سے بارش کا سلسلہ جاری ہے۔
یہ بھی پڑھیں: موسمی پیش گوئی اور قدرتی آفات سے نمٹنے کی تیاری، محکمہ موسمیات کے لیے 1.6 ارب روپے مختص
محکمہ موسمیات کے مطابق بارشوں کا موجودہ سلسلہ 5 اگست تک جاری رہنے کا امکان ہے۔ اس دوران آزاد کشمیر، گلگت بلتستان، خیبر پختونخوا، پنجاب، سندھ اور بلوچستان کے مختلف علاقوں میں کہیں کہیں موسلا دھار بارش بھی متوقع ہے۔
ملک کے مختلف حصوں میں بارشوں کے نئے سلسلے کا آغاز۔ اسلام آباد اور راولپنڈی سمیت ملحقہ بالائی علاقوں میں رات سے بارش کا سلسلہ وقفے وقفے سے جاری۔ ۔بارشوں کاسلسلہ 5اگست تک جاری رہے گا۔ کشمیر، گلگت بلتستان، خیبرپختونخوا،پنجاب ،سندھ اوربلوچستان میں شدید بارشوں کا امکان۔ پہاڑی ندی… pic.twitter.com/dWMfubn48c
— PTV News (@PTVNewsOfficial) July 29, 2026
محکمہ موسمیات نے خبردار کیا ہے کہ شدید بارشوں کے باعث پہاڑی ندی نالوں میں طغیانی، اچانک سیلاب (فلیش فلڈ) اور پہاڑی علاقوں میں لینڈ سلائیڈنگ کا خطرہ موجود ہے، جس سے آمدورفت اور معمولات زندگی متاثر ہوسکتے ہیں۔
مزید پڑھیں: گلگت بلتستان اور خیبرپختونخوا میں گلیشیائی جھیلیں پھٹنے کا خطرہ، محکمہ موسمیات کا الرٹ جاری
محکمہ موسمیات نے عوام کو ہدایت کی ہے کہ بارشوں کے دوران غیر ضروری سفر سے گریز کریں، دریاؤں، ندی نالوں اور برساتی گزرگاہوں کے قریب جانے سے احتراز کریں۔
’۔۔۔ اسی طرح بجلی کے کھمبوں اور لٹکتی ہوئی بجلی کی تاروں سے بھی محفوظ فاصلہ رکھیں تاکہ کسی بھی ناخوشگوار واقعے سے بچا جا سکے۔‘
