انٹرنیشنل کرکٹ کونسل (آئی سی سی) نے 2027 کے مینز کرکٹ ورلڈ کپ کے لیے نئے مقابلہ جاتی فارمیٹ کا اعلان کر دیا ہے۔ جنوبی افریقا، زمبابوے اور نمیبیا کی مشترکہ میزبانی میں ہونے والے ٹورنامنٹ میں پہلی بار 10 کے بجائے 14 ٹیمیں شرکت کریں گی۔
مزید پڑھیں:ون ڈے انٹرنیشل ورلڈ کپ 2027 کا 21اکتوبر سے آغاز، 2 گروپس اور سپر سکس کا نیا فارمیٹ
نئے فارمیٹ کے تحت ٹورنامنٹ 3 مراحل پر مشتمل ہوگا۔ پہلے مرحلے میں درجہ بندی میں سب سے نیچے موجود 3 ٹیمیں سپر سیریز کھیلیں گی، جس کی فاتح ٹیم اگلے مرحلے میں جگہ بنائے گی۔
The ICC has announced an exciting revamped format for the Men’s @cricketworldcup 2027 edition in South Africa, Zimbabwe and Namibia 🏆
More details ➡️ https://t.co/VxWr3PFpIX pic.twitter.com/RU1VnCbE9B
— ICC (@ICC) July 15, 2026
دوسرے مرحلے میں 12 ٹیموں کو 6، 6 کے 2 گروپس میں تقسیم کیا جائے گا، جہاں ہر ٹیم اپنے گروپ میں راؤنڈ رابن کی بنیاد پر میچز کھیلے گی۔ دونوں گروپس کی سرفہرست 3، 3 ٹیموں کے ساتھ مجموعی طور پر بہترین کارکردگی دکھانے والی ایک اور ٹیم سپر 7 مرحلے میں پہنچے گی۔
مزید پڑھیں: آئی سی سی نے مینز کرکٹ ورلڈکپ 2027 کے 12 میزبان وینیوز کا اعلان کردیا
سپر 7 مرحلے میں 7 ٹیمیں ایک دوسرے کے خلاف راؤنڈ رابن میچز کھیلیں گی، جن کے بعد سرفہرست 4 ٹیمیں سیمی فائنل کے لیے کوالیفائی کریں گی۔
سیمی فائنل میں پہلے نمبر کی ٹیم کا مقابلہ چوتھے نمبر کی ٹیم سے جبکہ دوسرے اور تیسرے نمبر کی ٹیمیں آمنے سامنے ہوں گی۔ دونوں فاتح ٹیمیں فائنل میں ورلڈ کپ ٹائٹل کے لیے مدمقابل ہوں گی۔
