وفاقی حکومت نے پیٹرولیم مصنوعات کی قیمتوں میں مزید کمی کا اعلان کردیا۔
پیٹرولیم ڈویژن سے جاری نوٹیفکیشن کے مطابق پیٹرول کی قیمت میں 3 روپے 39 پیسےفی لیٹر کمی کی گئی ہے، جبکہ ہائی اسپیڈ ڈیزل 4 روپے 7 پیسے سستا کیا گیا ہے۔
نوٹیفکیشن کے مطابق پیٹرول کی نئی قیمت 328 روپے 56 پیسے جبکہ ہائی اسپیڈ ڈیزل کی نئی قیمت 385 روپے 86 پیسے فی لیٹر ہوگئی ہے۔
واضح رہے کہ حکومت نے مشرق وسطیٰ میں کشیدگی کے باعث پیٹرولیم مصنوعات کی قیمتوں کا روزانہ کی بنیاد پر تعین کرنے کا فیصلہ کیا ہے، تاہم ہفتہ اور اتوار کو قیمتیں برقرار رہتی ہیں۔
امریکی صدر ڈونلڈ ٹرمپ کی جانب سے ایران کے ساتھ ممکنہ معاہدے کے حوالے سے بیان کے بعد عالمی مارکیٹ میں خام کی تیل کی قیمتوں میں کمی ہوئی ہے، جس کا ریلیف پاکستان کے عوام کو بھی دیا گیا ہے۔
