یومِ استحصالِ کشمیر کے موقع پر پاک فوج کے شعبہ تعلقاتِ عامہ (آئی ایس پی آر) نے کشمیری عوام سے اظہارِ یکجہتی کے لیے خصوصی ملی نغمہ ’آزادی‘ جاری کر دیا۔
مزید پڑھیں:یومِ استحصالِ کشمیر: عالمی برادری بھارتی مظالم کا نوٹس لے، چیئرمین سینیٹ یوسف رضا گیلانی
آئی ایس پی آر کے مطابق نغمہ کشمیری عوام کی جدوجہد، امید، استقامت اور حقِ خودارادیت کی امنگوں کو خراجِ تحسین پیش کرتا ہے۔ نغمے کے بول ’تمہارے ساتھ تھے اور ساتھ ہم رہیں گے‘ پاکستان اور کشمیری عوام کے درمیان غیرمتزلزل یکجہتی، محبت اور مسلسل حمایت کے عزم کی عکاسی کرتے ہیں۔
’تمہارے ساتھ تھے اور ساتھ ہم رہیں گے‘، آئی ایس پی آر کا یومِ استحصالِ کشمیر پر خصوصی نغمہ جاری
یومِ استحصالِ کشمیر کے موقع پر پاک فوج کے شعبہ تعلقاتِ عامہ نے کشمیری عوام سے اظہارِ یکجہتی کے لیے خصوصی ملی نغمہ ’آزادی‘ جاری کردیا۔@KhUsamaIqbal @HussainAhmedCh8 #Kashmir pic.twitter.com/h2IVbfSGy0— Media Talk (@mediatalk922) August 5, 2026
آئی ایس پی آر کا کہنا ہے کہ معروف گلوکار واجد سعید کی آواز میں پیش کیا گیا یہ نغمہ کشمیری عوام کے جذبات اور پاکستان کے ساتھ ان کی لازوال وابستگی کی مؤثر ترجمانی کرتا ہے۔ دل کو چھو لینے والے بول اور ولولہ انگیز دھن پر مبنی یہ نغمہ امید، حوصلے اور آزادی کے عزم کا پیغام دیتا ہے۔
مزید پڑھیں:یومِ استحصالِ کشمیر: چیئرمین کشمیر کمیٹی کا کشمیری عوام کی حمایت کے عزم کا اعادہ
نغمے میں مقبوضہ جموں و کشمیر میں بھارتی مظالم، شہریوں خصوصاً خواتین اور بچوں کے خلاف انسانی حقوق کی مبینہ خلاف ورزیوں کو بھی اجاگر کیا گیا ہے، جبکہ کشمیری عوام کی جدوجہدِ آزادی اور ان کے حقِ خودارادیت کی حمایت کے عزم کو نمایاں انداز میں پیش کیا گیا ہے۔
