سیکرٹری داخلہ پنجاب ڈاکٹر احمد جاوید قاضی سے پنجاب کاؤنٹر نارکوٹکس فورس کے ڈی جی بریگیڈیئر مظہر اقبال نے الوداعی ملاقات کی، جس میں صوبے میں منشیات کے خلاف اقدامات پر تبادلہ خیال کیا گیا۔
مزید پڑھیں:کینیڈا میں بھارتی نژاد ٹرک ڈرائیور گرفتار، 13 کروڑ 90 لاکھ ڈالر مالیت کی منشیات برآمد
ڈاکٹر احمد جاوید قاضی نے کہا کہ نوجوان نسل کو منشیات سے محفوظ رکھنا حکومت پنجاب کی اولین ترجیح ہے۔ انہوں نے بتایا کہ پنجاب میں منشیات کے خلاف سخت قوانین نافذ ہیں، جن کے تحت 25 سال تک قید اور بھاری جرمانے کی سزائیں دی جا رہی ہیں۔
سیکرٹری داخلہ پنجاب ڈاکٹر احمد جاوید قاضی سے پنجاب کاؤنٹر نارکوٹکس فورس کے ڈی جی بریگیڈیئر مظہر اقبال نے الوداعی ملاقات کی، جس میں صوبے میں منشیات کے خلاف اقدامات پر تبادلہ خیال کیا گیا۔@HussainAhmedCh8 @KulAalam #Punjab pic.twitter.com/tKPl9UfV4F
— Media Talk (@mediatalk922) August 7, 2026
انہوں نے کہا کہ اس وقت پنجاب کی جیلوں میں 21 ہزار سے زائد قیدی منشیات کے استعمال یا خرید و فروخت کے مقدمات میں قید ہیں، جبکہ 70 ہزار رجسٹرڈ آئمہ مساجد اپنے خطبات میں منشیات سے بچاؤ کے حوالے سے آگاہی فراہم کر رہے ہیں۔
مزید پڑھیں:انمول عرف پنکی کے بھائی کامران کو کراچی پولیس نے گرفتار کرلیا، منشیات برآمد
ڈی جی پنجاب کاؤنٹر نارکوٹکس فورس بریگیڈیئر مظہر اقبال نے شہریوں سے اپیل کی کہ منشیات سے متعلق کسی بھی مشکوک سرگرمی کی اطلاع فوری طور پر ہیلپ لائن 1012 پر دیں۔
