وزیراعظم محمد شہباز شریف نے جولائی 2026 میں سمندر پار پاکستانیوں کی جانب سے 3.6 ارب ڈالر کی ترسیلات زر پاکستان بھیجے جانے پر اطمینان کا اظہار کیا ہے۔
وزیراعظم نے کہا کہ جولائی 2026 میں سمندر پار پاکستانیوں کی ترسیلات زر میں سالانہ بنیادوں پر 13 فیصد اضافہ انتہائی خوش آئند ہے، جبکہ ماہانہ بنیادوں پر بھی ترسیلات زر میں 4.5 فیصد اضافہ ریکارڈ کیا گیا۔
شہباز شریف نے کہا کہ سمندر پار پاکستانی ملکی معیشت کے استحکام اور ترقی میں مسلسل مثبت کردار ادا کر رہے ہیں، جو قابلِ تحسین ہے۔
مزید پڑھیں:پاکستان میں کرپٹو کرنسی کی قانونی حیثیت سے ترسیلات زر 50 ارب ڈالر تک پہنچنے کی پیشگوئی
انہوں نے کہا کہ سمندر پار پاکستانی پاکستان کے قومی معاشی دھارے کا نہایت قیمتی حصہ ہیں اور ان کی جانب سے بھیجی جانے والی ترسیلات ملکی معیشت کے لیے اہم معاونت فراہم کرتی ہیں۔
