پاکستان کرکٹ ٹیم کے سابق کپتان وسیم اکرم اور اداکار فواد خان کی فلم ‘منی بیک گارنٹی’ کا پہلا ٹیزر جاری کردیا گیا۔
فلم کا پہلا ٹیزر زاشکو فلمز نے اپنے یوٹیوب چینل پر شیئر کیا جس کی جھلک وسیم اکرم نے اپنے سوشل میڈیا اکاؤنٹس پر بھی شیئر کی، جسے رواں برس عید الفطر پر سنیما گھروں کی زینت بنایا جائے گا۔
ایکشن اور کامیڈی سے بھرے ٹیزر میں فواد خان کو وسیم اکرم کی اہلیہ شنیرا اکرم کے ساتھ مزاحیہ انداز میں رقص کرتے دیکھا گیا۔ وسیم اکرم فوادخان کیساتھ فلم میں اداکاری کرتے نظر آئیں گے ۔
منی بیک گارنٹی کی ہدایت کاری فیصل قریشی نے دی ہے۔فلم کی میگا کاسٹ میں وسیم اکرم، ان کی اہلیہ شنیرا سمیت جاوید شیخ، فواد خان، عائشہ عمر، فیصل قریشی، میکال ذوالفقار، جان ریمبو، حنا دلپزیر، گوہر رشید، علی سفینا، مانی، کرن ملک سمیت دیگر اداکار شامل ہیں۔
