چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر نے یوم آزادی کے موقع پر پاک فوج کے سابق فوجیوں کے اعزاز میں استقبالیہ دیا، جس میں ریٹائرڈ افسران اور سابق فوجیوں کی بڑی تعداد نے شرکت کی۔
مزید پڑھیں: فیلڈ مارشل عاصم منیر ایک سال میں جنگ اور امن دونوں محاذوں کے فاتح رہے، خواجہ آصف
پاک فوج کے شعبہ تعلقات عامہ (آئی ایس پی آر) کے مطابق استقبالیے کے دوران فیلڈ مارشل سید عاصم منیر نے ملکی دفاع کے لیے سابق فوجیوں کی گراں قدر خدمات اور زندگی بھر کی قربانیوں کو خراج تحسین پیش کیا۔
آرمی چیف و چیف آف ڈیفنس فورسز نے قومی استحکام کو مضبوط بنانے میں سابق فوجیوں کے مسلسل کردار کو بھی سراہا۔
فیلڈ مارشل سید عاصم منیر نے یومِ آزادی کے موقع پر سابق فوجیوں کے اعزاز میں استقبالیہ دیا، سابق فوجیوں نے پاک فوج کی قیادت پر اعتماد کا اظہار کیا
فیلڈ مارشل سید عاصم منیر نے ملک کے دفاع کے لیے سابق فوجیوں کی گراں قدر خدمات اور عمر بھر کی کاوشوں کو بھرپور خراجِ تحسین پیش کیا pic.twitter.com/rOipjduGsh— WE News (@WENewsPk) August 15, 2026
انہوں نے کہاکہ سابق فوجیوں کا تجربہ، رہنمائی اور ادارے کے ساتھ مسلسل رابطہ ایک قیمتی ادارہ جاتی اثاثہ ہے، خصوصاً ایسے وقت میں جب سیکیورٹی کا ماحول تیزی سے پیچیدہ اور مسلسل تبدیل ہو رہا ہے۔
اس موقع پر سابق فوجیوں نے پاک فوج کی قیادت پر اپنے اعتماد کا اظہار کیا اور ابھرتے ہوئے سیکیورٹی چیلنجز سے نمٹنے میں مسلح افواج کے لیے اپنی مسلسل حمایت کا اعادہ کیا۔
مزید پڑھیں: ایران امریکا امن معاہدہ: بلاول بھٹو کا خیرمقدم، فیلڈ مارشل عاصم منیر کے کردار کو سراہا
سابق فوجیوں نے اس عزم کا بھی اظہار کیا کہ وہ قومی اتحاد، امن، استحکام اور ملکی خوشحالی کے لیے اپنا کردار ادا کرتے رہیں گے۔
