بھارت کے شہر کانپور میں جمعرات کو 4 نشستوں پر مشتمل 2 انجنوں والے تربیتی طیارے کے کھیت میں گر کر تباہ ہونے کے نتیجے میں انسٹرکٹر اور زیرِ تربیت پائلٹ دونوں جاں بحق ہوگئے۔
کانپور پولیس کمشنر رگھو ویر لال نے جاں بحق ہونے والے افراد کی شناخت گجرات سے تعلق رکھنے والے انسٹرکٹر پائلٹ سچن بھاٹیا اور کرناٹک کے رہائشی زیرِ تربیت پائلٹ ابھیشیک پجاری کے نام سے کی ہے۔
یہ بھی پڑھیں: کولمبیا میں طیارہ حادثہ، قانون ساز سمیت 15 افراد ہلاک
پولیس کمشنر کے مطابق دونوں پائلٹس نے مقامی گارگ ایوی ایشن ٹریننگ سینٹر سے صبح تقریباً 11 بج کر 30 منٹ پر پرواز کی تھی۔
طیارہ تقریباً 20 منٹ بعد تربیتی مرکز واپس آتے ہوئے 11 بج کر 50 منٹ کے قریب ایک کھیت میں گر کر تباہ ہوگیا۔
Training Plane Crashes In Kanpur, 2 Pilots Killed
Both the instructor and trainee pilot on board were killed, police told ANI, after the small training aircraft crashed into a field on Thursday.
📹 Social Media pic.twitter.com/mAKZfaa4M8
— RT_India (@RT_India_news) August 27, 2026
رگھو ویر لال نے بتایا کہ حادثے کا شکار ہونے والا طیارہ 4 نشستوں والا 2 انجنوں کا ٹیکنام طیارہ تھا، انسٹرکٹر پائلٹ سچن بھاٹیا کو تقریباً 3 ہزار گھنٹے پرواز کا تجربہ حاصل تھا۔
پولیس کے مطابق حادثے کے بعد جائے وقوعہ کو گھیرے میں لے لیا گیا اور لاشوں کو نکال لیا گیا ہے۔
مزید پڑھیں: نیویارک کے لاگارڈیا ہوائی اڈے پر طیارہ حادثہ: 2 ہلاک، درجنوں زخمی
حادثے کی اطلاع ڈائریکٹوریٹ جنرل آف سول ایوی ایشن کو دے دی گئی ہے، جس کی ٹیم واقعے کی تفصیلی تحقیقات کرے گی۔
پولیس کمشنر کے مطابق ٹیکنام طیارہ 2023 میں تربیتی مقاصد کے لیے گارگ ایوی ایشن ٹریننگ سینٹر لایا گیا تھا۔
حادثے کی اصل وجہ تاحال معلوم نہیں ہوسکی، جبکہ طیارے سے متعلق تکنیکی تحقیقات ڈی جی سی اے کرے گا۔
