نائب وزیراعظم و وزیر خارجہ سینیٹر محمد اسحاق ڈار نے سعودی عرب اور ترکیہ کے وزرائے خارجہ شہزادہ فیصل بن فرحان آل سعود اور حاقان فیدان سے الگ الگ ٹیلی فونک گفتگو کی، جس میں خطے کی بدلتی ہوئی صورتحال، باہمی دلچسپی کے امور اور آئندہ ہونے والے آر فور اجلاس سمیت اہم سفارتی معاملات پر تبادلہ خیال کیا گیا۔
وزارت خارجہ کے مطابق اسحاق ڈار نے سعودی وزیر خارجہ شہزادہ فیصل بن فرحان سے گفتگو کے دوران موریطانیہ کے اسماعیل ولد شیخ احمد کے اتفاقِ رائے سے اسلامی تعاون تنظیم (او آئی سی) کا نیا سیکریٹری جنرل منتخب ہونے پر انہیں مبارکباد دی۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke with Foreign Minister of Saudi Arabia H.H. Prince Faisal bin Farhan Al Saud @FaisalbinFarhan.
DPM/FM congratulated Prince Faisal on the consensus election of H.E. Ismail Ould Cheikh Ahmed of… pic.twitter.com/MFbxo9YDcc
— Ministry of Foreign Affairs – Pakistan (@ForeignOfficePk) August 28, 2026
دونوں وزرائے خارجہ نے علاقائی صورتحال اور باہمی دلچسپی کے دیگر معاملات پر بھی تبادلہ خیال کیا۔ گفتگو میں آر فور کے آئندہ اجلاس سے متعلق امور بھی زیر بحث آئے۔ دونوں رہنماؤں نے قریبی رابطہ اور مشاورت جاری رکھنے پر اتفاق کیا۔
یہ بھی پڑھیں:سعودی عرب میں پاکستانی سفیر کی وزیر خارجہ سے ملاقات، پاک سعودی تعلقات مزید مضبوط بنانے پر زور
بعد ازاں نائب وزیراعظم و وزیر خارجہ نے ترکیہ کے وزیر خارجہ حاقان فیدان سے بھی ٹیلی فون پر گفتگو کی۔ وزارت خارجہ کے مطابق دونوں وزرائے خارجہ نے خطے کی بدلتی ہوئی صورتحال کا جائزہ لیا اور مشترکہ دلچسپی کے امور پر تبادلہ خیال کیا۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke with Foreign Minister of Türkiye H.E. Hakan Fidan @HakanFidan.
The two Ministers discussed the evolving regional situation and exchanged views on matters of common interest. They also discussed… pic.twitter.com/b8bN8zsYuV
— Ministry of Foreign Affairs – Pakistan (@ForeignOfficePk) August 28, 2026
گفتگو کے دوران دونوں رہنماؤں نے آئندہ سفارتی روابط اور مصروفیات پر بھی بات کی، جن میں آر فور کا آنے والا اجلاس بھی شامل ہے۔
وزارت خارجہ کے مطابق پاکستان، سعودی عرب اور ترکیہ کے درمیان علاقائی معاملات پر قریبی مشاورت جاری ہے، جبکہ اسحاق ڈار کی دونوں وزرائے خارجہ سے گفتگو میں علاقائی پیش رفت کے تناظر میں باہمی رابطے اور تعاون کو مزید آگے بڑھانے پر توجہ مرکوز رہی۔
