نومنتخب وزیراعظم آزاد کشمیر افتخار گیلانی نے ریاست میں انٹرنیٹ سروس بحال کرنے کا عوام سے کیا گیا وعدہ پورا کردیا، محکمہ داخلہ آزادکشمیر نے ریاست میں آج سے انٹرنیٹ سروس مرحلہ وار بحال کرنے کا اعلان کردیا
محکمہ داخلہ آزادکشمیر کی جانب سے جاری نوٹیفکیشن کے مطابق مظفرآباد ڈویژن کے ضلع نیلم میں انٹرنیٹ سروس مکمل طور پر بحال کردی گئی ہے، جبکہ ضلع حویلی کہوٹہ میں بھی انٹرنیٹ سروس مکمل بحال کردی گئی ہے۔
یہ بھی پڑھیں: مریم کی دستک کے بعد ’بولو کشمیر‘، آزاد کشمیر میں اب پنجاب ماڈل چلے گا، افتخار گیلانی نے سمت واضح کردی
نوٹیفکیشن میں بتایا گیا ہے کہ میرپور اور بھمبر میں ڈی ایس ایل سروس بحال کردی گئی ہے، جبکہ جہلم ویلی، باغ، دھیرکوٹ اور کوٹلی میں فی الحال صرف تعلیمی اداروں اور بینکوں کے لیے ڈی ایس ایل سروس بحال کی گئی ہے۔
New: Internet services have been partially restored across Muzaffarabad, Neelum, and Jhelum Valley in Pakistan-administered Jammu & Kashmir after a nearly three-month suspension. The move follows an official announcement by newly elected Prime Minister Barrister Iftikhar… pic.twitter.com/XiBpkt2aS5
— Farhan Khan (@TheFarhanAKhan) August 30, 2026
محکمہ داخلہ کے مطابق تعلیمی اداروں اور بینکوں کو وائٹ لسٹڈ ڈی ایس ایل کنکشن فراہم کیے جائیں گے۔ وائٹ لسٹ کیے جانے والے اداروں کے سربراہان کو حلف نامہ جمع کرانا ہوگا، جبکہ اس بات کی ضمانت بھی دینا ہوگی کہ انٹرنیٹ سروس کو قومی سلامتی کے خلاف استعمال نہیں کیا جائے گا۔
مزید پڑھیں: مریم کی دستک کے بعد ’بولو کشمیر‘، آزاد کشمیر میں اب پنجاب ماڈل چلے گا، افتخار گیلانی نے سمت واضح کردی
نوٹیفکیشن کے مطابق پونچھ ڈویژن کے اضلاع راولاکوٹ اور سدھنوتی میں انٹرنیٹ سروس بدستور معطل رہے گی۔
واضح رہے کہ نومنتخب وزیراعظم آزاد کشمیر افتخار گیلانی نے اس سے قبل اعلان کیا تھا کہ وادی میں انٹرنیٹ سروس آئندہ 2 روز کے اندر بحال کردی جائے گی۔
