صدر مملکت پاکستان کی ہدایت پر سابق چیئرمین سینیٹ سید نیر بخاری اور صدر مملکت کے ترجمان مرتضیٰ سولنگی نے اسلام آباد میں نیپال کے سفارت خانے کا دورہ کیا اور چین و نیپال سرحد کے ساتھ لینڈ سلائیڈنگ اور گلیشیئر پھٹنے کے بعد گزشتہ ہفتے آنے والے شدید سیلاب سے ہونے والے جانی نقصان اور تباہی پر صدر مملکت اور پاکستان کے عوام کی جانب سے تعزیت کا اظہار کیا۔
یہ بھی پڑھیں: برادر ملک نیپال کی مدد: پاکستان آج 80 ٹن سے زائد کا امدادی سامان روانہ کرے گا
نیپال کی سفیر ریٹا ڈٹال نے ان کا استقبال کیا اور اس مشکل وقت میں حکومت اور پاکستان کے عوام کی جانب سے نیپال کے ساتھ کی جانے والی یکجہتی اور حمایت کو سراہا۔
سید نیر بخاری اور مرتضیٰ سولنگی نے مہمانوں کی کتاب میں تعزیت اور یکجہتی کے پیغامات بھی درج کیے۔
