اسپیشل اولمپکس ورلڈ گیمز برلن کی جانب سے آسکر ایوارڈ کے لئے نامزد شارٹ فلم”As Far as They can Run ” کی اسکریننگ کا انعقاد کیا گیا ۔
پاکستانی سفیر ڈاکٹر محمد فیصل نے اپنی اہلیہ کے ہمراہ فلم اسکریننگ کے موقع پر اسپیشل اولمپک پاکستان کی ٹیم کی حوصلہ افزائی کے لیے خصوصی شرکت کی۔
Amb @DrMFaisal at screening of #Oscar nominated short 🎥 "AS FAR AS THEY CAN RUN".
Story of 3 🇵🇰 speecial need teenagers Ghulam, Sana & Sajawal,trained by @SO_Pakistan.
Sana from Mirpur Khas is now proudly representing 🇵🇰 in #SpecialOlympicsWorldGames 2023. pic.twitter.com/YCKOWAQFqC— Pakistan Embassy Germany (@PakinGermany_) June 21, 2023
فلم کی کہانی تین پاکستانی خصوصی بچوں غلام، ثناء اور سجاول کی زندگیوں سے متعلق ہے، جس میں دکھایا گیاہے کہ کیسے اسپیشل اولمپکس میں حصہ لینے کی خاطرپاکستان کی ٹیم نے ان بچوں کو سندھ کے دور دراز پسماندہ علاقوں سے کھوج کراور انتہائی محنت سے ان کی تربیت کے ساتھ ساتھ ان کے خاندانوں کی حوصلہ افزئی کر کے ان بچوں کو معاشرے میں بہتر طرز زندگی کی جانب گامزن کیا۔
اس دستاویزی فلم کی تقریبِ رونمائی میں حاضرین کی جانب سے فلم کو بھرپور سراہا گیا اور فلم کے اختتام پر ہال ثناء کی موجودگی کے اعتراف اور ستائش کے لیے تالیوں سے گونجتا رہا۔
اس موقع پر ڈاکٹر محمد فیصل کا کہنا تھا کہ یہ بچے بلاشبہ ہمارا فخر ھیں، پاکستانی سفارتخانہ، برلن میں قیام کے دوران اپنے خصوصی مہمانوں کا ہرممکن خیال رکھے گا۔
میر پور خاص کے گاؤں جھڈو کی ثناء آج بھرپور طریقے سے اسپیشل اولمپکس ورلڈ گیمز برلن میں پاکستان کی نمائندگی کر رہی ہیں، ثناء کو اولمپک مشعل اٹھانے والے آٹھ بین الاقوامی کھلاڑیوں میں شامل ہونے کا اعزازبھی حاصل ہے۔
