سری لنکا کی فضائیہ نے خشک سالی سے متاثرہ علاقوں میں بارش کی دعا کے لیے بدھ بھکشوؤں کو طیارے کے ذریعے فضائی سفر کرایا، جہاں بھکشوؤں نے دعائیں پڑھیں جبکہ فضائیہ کے اہلکاروں نے علاقوں پر مقدس پانی چھڑکا۔
فضائیہ کے مطابق زعفرانی لباس میں ملبوس 3 بدھ بھکشو ہفتے کی شام فضائی سفر کے دوران خشک سالی کے خاتمے اور بارش کے لیے دعائیں کرتے رہے۔
یہ بھی پڑھیں: افغانستان میں بھوک، خشک سالی اور بے گھری سے ذہنی صحت کو سنگین خطرات، اقوام متحدہ
اس دوران فضائیہ کے اہلکاروں نے 5 لیٹر کی متعدد پلاسٹک بوتلوں سے مقدس پانی نیچے چھڑکا۔
فضائیہ کے ایک عہدیدار نے بتایا کہ بھکشوؤں کو وائی 12 طیارے کے ذریعے خشک سالی سے متاثرہ علاقوں کے اوپر لے جایا گیا۔
A prayer for rain over Sri Lanka 🇱🇰🌧️
As dry weather persists, the Sri Lanka Air Force took to the skies on Sept. 19, dispersing blessed Pirith water while Buddhist monks chanted prayers for rain and relief across the island.
📸 @airforcelk pic.twitter.com/9YZ7pAI5JR
— NewsWire 🇱🇰 (@NewsWireLK) September 20, 2026
سری لنکن فضائیہ نے سوشل میڈیا پر جاری بیان میں کہا کہ ملک کو خشک موسم کی مشکلات کا سامنا ہے اور اس موقع پر طیارے نے ہمدردی اور یکجہتی کے علامتی اظہار کے طور پر فضا میں پرواز کی۔
دوسری جانب سری لنکا کے محکمہ موسمیات نے رواں سال کے باقی عرصے کے دوران ملک کے مختلف حصوں میں شدید خشک سالی کے ساتھ ساتھ موسلا دھار بارشوں کے امکانات سے بھی خبردار کیا ہے۔
مزید پڑھیں: ایران میں خشک سالی شدت اختیار کرگئی، پانی کی کمی کے باعث کارخہ ڈیم میں بجلی کی پیداوار بند
محکمہ موسمیات کے مطابق زرعی معیشت پر انحصار کرنے والے 2 کروڑ 20 لاکھ آبادی کے ملک کو ایل نینو موسمیاتی مظہر کی شدید صورتحال کا سامنا ہے، جس کے باعث بعض علاقوں میں خشک سالی جبکہ دیگر علاقوں میں شدید بارشیں متوقع ہیں۔
