ڈی آئی جی اسلام آباد علی وسیم نے ریپ کے جھوٹے مقدمات درج کرانے والوں کے خلاف اینٹی ریپ ایکٹ کے تحت سخت قانونی کارروائی کا حکم دے دیا۔
مزید پڑھیں:اٹک پولیس نے ایس پی سے مبینہ جنسی زیادتی کی وائرل ایف آئی آر جعلی قرار دے دی
ترجمان اسلام آباد پولیس کے مطابق ڈی آئی جی نے اینٹی ریپ ایکٹ کے تحت درج 7 مقدمات کے مدعیان اور گواہان کے خلاف بھی مقدمات درج کرنے کی ہدایت کی ہے۔
علی وسیم کا کہنا ہے کہ ریپ کے جھوٹے مقدمات درج کرانے اور بڑی رقوم کے عوض ملزمان کے حق میں بیانات دے کر مقدمات خارج کرانے والوں کے خلاف قانون کے مطابق کارروائی کی جائے گی۔ سنگین جرم کا جھوٹا الزام لگا کر ذاتی مفادات حاصل کرنے اور قانون کا ناجائز استعمال کرنے والوں کو کارروائی کا سامنا کرنا ہوگا۔
مزید پڑھیں:بھارتی ریاست اتر پردیش میں درندگی: علاج معالجے کے نام پر 13 سالہ بچی سے زیادتی، عامل گرفتار
ڈی آئی جی اسلام آباد کے مطابق اس اقدام کا مقصد قانون کے غلط استعمال کی حوصلہ شکنی اور انصاف کی فراہمی یقینی بنانا ہے۔ حقیقی متاثرین کو انصاف کی فراہمی اور خواتین سمیت تمام شہریوں کے حقوق کا تحفظ اسلام آباد پولیس کی اولین ترجیح ہے۔
