وزیر دفاع خواجہ آصف نے خیبرپختونخوا میں افغان مہاجرین کے کیمپ مکمل طور پر ختم کیے جانے سے متعلق سوال پر طنزیہ انداز میں کہا ہے کہ افغانستان میں بہت اچھی حکومت ہے، وہاں دودھ اور شہد کی نہریں بہہ رہی ہیں تو افغان مہاجرین اپنے ہم فکر لوگوں کے پاس یہاں کیا کر رہے ہیں؟
یہ بھی پڑھیں:طالبان حکومت وطن واپس آنے والے افغان مہاجرین کی آبادکاری میں ناکام، انسانی بحران کا خدشہ
وی نیوز سے گفتگو کرتے ہوئے خواجہ آصف سے سوال کیا گیا کہ کیا خیبرپختونخوا میں افغان مہاجرین کے کیمپ مکمل طور پر ختم کر دیے جائیں گے؟
افغانستان میں اچھی حکومت ہے تو افغان مہاجرین کو وہاں سہولتیں ملنی چاہئیں، انہیں وہاں کی خوشحالی اور امن سے فائدہ اٹھانا چاہیے، وزیر دفاع خواجہ آصف
@luqmanshah2006 https://t.co/BlWxgLWqDs— WE News (@WENewsPk) October 15, 2026
خواجہ آصف نے طنزیہ انداز میں کہا کہ افغانستان میں اس وقت بہت اچھی حکومت ہے، افغان مہاجرین وہاں جائیں اور اس حکومت کے سائے تلے رہیں، اس کی نیک نامی، فارغ البالی اور خوشحالی سے فائدہ اٹھائیں۔
یہ بھی پڑھیں: ’پاکستان جیسی زندگی وہاں نہیں ملے گی، ہم شکر گزار ہیں‘، واپس جاتے افغان مہاجرین کے تاثرات
انہوں نے مزید طنز کرتے ہوئے کہا کہ افغانستان میں قابل حکومت کے دور میں دودھ اور شہد کی نہریں بہہ رہی ہیں تو افغان مہاجرین یہاں اپنے ہم فکر لوگوں کے پاس کیا کررہے ہیں۔
