بالی ووڈ سپر اسٹار سلمان خان اور معروف اداکارہ کرشمہ کپور کی حالیہ ملاقات نے مداحوں کی توجہ حاصل کر لی جہاں دونوں کی پرانی دوستی اور بے تکلف انداز دیکھ کر سوشل میڈیا صارفین نے انہیں شادی کرنے کے مشورے دینا شروع کر دیے۔
سلمان خان نے مقبول ٹی وی شو ’کافی ود کرن‘ کے نویں اور آخری سیزن کی افتتاحی قسط میں شرکت کی۔ اس دوران اداکارہ کرشمہ کپور نے سلمان خان اور شو کے میزبان کرن جوہر کے درمیان ہونے والے ریپڈ فائر راؤنڈ کی میزبانی کی۔
The nostalgia of seeing Salman Khan and Karisma Kapoor together after ages! 🫰🏻❤️ One of the most underrated on-screen pairs, their chemistry was something else! ✨🤌🏻
#Salmankhan. #Karishmakapoor https://t.co/rzKomHBUXd
— Jelly 🕊️ (@quite_soul01) October 14, 2026
شو میں دونوں کی دوستانہ گفتگو اور بے تکلفی دیکھ کر مداحوں نے سوشل میڈیا پلیٹ فارم ایکس پر اپنے خیالات کا اظہار کیا۔ ایک صارف نے لکھا کہ سلمان خان اور کرشمہ کپور میاں بیوی جیسے لگتے ہیں یہ شادی کیوں نہیں کر لیتے۔ ایک اور صارف نے دونوں کو اپنی پسندیدہ ایسی جوڑی قرار دیا جو حقیقت نہ بن سکی جبکہ بعض صارفین نے ان کی کیمسٹری کو بھی سراہا۔
salman and karisma are giving husband wife vibes ahhh why aren't they married???😭😭😭😭
— anarkali (@uthoanarkali) October 14, 2026
مہک سنگھ نے سلمان خان اور کرشمہ کپور کی جوڑی پر تبصرہ کرتے ہوئے کہا کہ ’شادی کر لو بھائی‘۔
My favorite ship that never sailed Salman and karisma ❤️ Shaadi karlo bhai😍😍#Koffeewithkaran9 #Salmankhan #Karismakapoor
— Mehek Singh (@MehekSinghhh) October 14, 2026
پروگرام کے دوران سلمان خان کی جانب سے بچوں کی خواہش کا ذکر بھی سوشل میڈیا پر گفتگو کا موضوع بن گیا۔ ایک صارف نے اس بات کو کرشمہ کپور کی خاندانی زندگی سے جوڑتے ہوئے دونوں کی شادی کے حوالے سے تبصرہ کیا۔
واضح رہے کہ سلمان خان کا ماضی میں کئی اداکاراؤں کے ساتھ نام جوڑا جاتا رہا ہے جن میں سنگیتا بجلانی، ایشوریا رائے، کترینہ کیف اور یولیا ونتور شامل ہیں۔ سلمان خان نے ماضی میں انکشاف کیا تھا کہ وہ سنگیتا بجلانی سے ادی کے قریب پہنچ گئے تھے تاہم بعد میں یہ رشتہ آگے نہ بڑھ سکا۔
یہ بھی پڑھیں: سلمان خان کو شادی کرنے سے کس نے روکا؟ اداکار نے خود ہی راز کھول دیا
دوسری جانب کرشمہ کپور نے 2003 میں کاروباری شخصیت سنجے کپور سے شادی کی تھی۔ دونوں نے 2014 میں باہمی رضامندی سے طلاق کے لیے درخواست دائر کی جسے 2016 میں حتمی شکل دی گئی۔ سابق جوڑے کے دو بچے، بیٹی سمیرا اور بیٹا کیان ہیں۔
سنجے کپور کا 2025 میں لندن میں انتقال ہو گیا تھا۔ میڈیا رپورٹس کے مطابق پولو کھیلنے کے دوران شہد کی مکھی نگلنے کے مبینہ واقعے کے بعد انہیں دل کا دورہ پڑا تھا۔
یہ بھی پڑھیں: شاہ رخ اور سلمان خان کون؟ مادھوری ڈکشٹ کے شوہر شادی میں دونوں سپر اسٹارز کو کیوں نہ پہچان سکے؟
سلمان خان اور کرشمہ کپور کی شادی کے حوالے سے مداحوں کے یہ تبصرے سوشل میڈیا پر ہونے والی قیاس آرائیوں کا حصہ ہیں دونوں اداکاروں کی جانب سے شادی کے کسی ارادے کا اعلان سامنے نہیں آیا۔
سلمان خان اور کرشمہ کپور کی دوستی تقریباً 36 سال پرانی ہے۔ دونوں اداکار اب تک 11 فلموں میں ایک ساتھ کام کر چکے ہیں، جن میں ’جیت‘، ’جڑواں‘، ’بیوی نمبر ون‘، ’ہم ساتھ ساتھ ہیں‘، ’چل میرے بھائی‘ اور ’دلہن ہم لے جائیں گے‘ شامل ہیں۔
