امریکی صدر ڈونلڈ ٹرمپ کی نئی پریس سیکرٹری کیٹی زکریا صرف 5 روز بعد عہدے سے ہٹا دی گئیں۔
خبر رساں ادارے رائٹرز اور ایسوسی ایٹڈ پریس کے مطابق کیٹی زکریا کی رخصتی ایسے وقت میں ہوئی جب ان کی پہلی پریس بریفنگ پر تنقید ہوئی اور ان کی قانونی قابلیت کے حوالے سے سوالات اٹھائے گئے۔
کیٹی زکریا نے 13 اکتوبر کو وائٹ ہاؤس میں پہلی پریس بریفنگ دی تھی، جو تقریباً 14 منٹ جاری رہی اور اس دوران انہوں نے صحافیوں کے صرف 3 سوالات کے جواب دیے۔
BREAKING: Says after she took over, Trump fires White House Press Secretary Katie Zacharia. This disastrous opening likely forced it. pic.twitter.com/4yeHjE7x87
— Shiv Aroor (@ShivAroor) October 16, 2026
امریکی صدر ڈونلڈ ٹرمپ نے جمعے کو صحافیوں سے گفتگو کرتے ہوئے کہا کہ انہوں نے زکریا کو عہدے پر برقرار رہنے کے فیصلے پر دوبارہ غور کرنے کا مشورہ دیا تھا۔ ٹرمپ کے مطابق میڈیا کی تنقید کے باعث انہیں مشکلات کا سامنا تھا۔
رپورٹس کے مطابق زکریا نے قانون کی تعلیم حاصل کی تھی، تاہم وہ وکالت کے لیے ضروری بار امتحان پاس نہیں کر سکی تھیں، جس کے باعث ان کی پیشہ ورانہ اسناد پر سوالات اٹھے۔
یہ بھی پڑھیں:وائٹ ہاؤس کی نئی پریس سیکریٹری کیٹی زکریا چارج سنبھالتے ہی کڑی تنقید کی زد میں، وجہ کیا ہے؟
وائٹ ہاؤس کے ایک عہدیدار نے بتایا کہ زکریا اپنے عہدے سے الگ ہو رہی ہیں، تاہم ان کے مستقبل کے کردار کے بارے میں فوری طور پر کوئی تفصیل سامنے نہیں آئی۔
