پاکستان میں آج کہاں کہاں بارش ہوگی؟

اسلام آباد سمیت ملک کے کئی علاقوں میں گرج چمک کے ساتھ بارش کا امکان ہے، محکمہ موسمیات نے سیلاب اور لینڈ سلائیڈنگ سے بھی خبردار کر دیا۔

محکمہ موسمیات کے مطابق آج (جمعرات) اسلام آباد، کشمیر، گلگت بلتستان ،خیبر پختونخوا، خطۂ پوٹھوہار، پنجاب بلوچستان میں آندھی اورگرج چمک کے ساتھ بارش کی توقع ہے۔

سیلاب اور لینڈ سلائیڈنگ کا خطرہ، محکمہ موسمیات

آئندہ 2روز کے دوران موسلادھار بارش کے باعث اسلام آباد، راولپنڈی، اٹک، گوجرانوالہ، لاہور، قصور، اوکاڑہ، کوہاٹ، پشاور، بنوں، کرک اور ڈی آئی خان کے نشیبی علاقوں میں سیلاب کا خدشہ ہے جبکہ مری، گلیات، کشمیر، گلگت بلتستان اور خیبر پختو نخواہ کے پہاڑی علاقوں میں لینڈ سلائیڈنگ کا خدشہ ہے۔

طغیانی کا خطرہ، محکمہ موسمیات کی وارننگ

محکمہ موسمیات نے خبر دار کیا ہے کہ موسلادھاربارش کے باعث ڈیرہ غازی خان، کوہلو، سبی، بارکھان، ژوب، لورالائی، قلعہ سیف اللہ اورموسٰی خیل کے پہاڑی علاقوں اور ملحقہ ندی نالوں میں طغیانی کا خطرہ ہے۔