وزیر خارجہ بلاول بھٹو زرداری نے کہا ہے کہ مشکل وقت میں دنیا کا ساتھ دینا ہماری بہترین خارجہ پالیسی کا ثبوت ہے۔ پاکستان نے موسمیاتی تبدیلی سے متعلق ہر فورم پر آواز اٹھائی۔
ان کا کہنا تھا موسمیاتی تبدیلی سے متعلق مؤقف پر پوری دنیا پاکستان کیساتھ کھڑی ہوئی۔ حالیہ سیلاب میں امریکا اور چین نے ہماری بھرپور مدد کی۔
42 ویں سپشلائزڈ ڈپلومیٹک گریجویشن کورس کے شرکاء سے فارن سروس اکیڈمی اسلام آباد میں خطاب کرتے ہوئے وزیر خارجہ بلاول بھٹو نے کہا کہ تمام گریجویٹس کو مبارکباد پیش کرتا ہوں جو پاکستان کی ترقی میں اپنا کردار ادا کریں گے۔
فارن سروس اکیڈمی نے بہترین ڈپلومیٹس پیدا کیے جنھوں نے پاکستان کے امن اور خوشحالی کے لیے کام کیا ہے۔ پاکستان کی خارجہ پالیسی کے تحت ہی ایف اے ٹی ایف سے نکلنا بڑی کامیابی ہے۔
خارجہ پالیسی کو ملکی مفاد کے مطابق مرتب کرتے ہیں۔ پاکستان نے موسمیاتی تبدیلی سے متعلق ہر فورم پر آواز اٹھائی۔ موسمیاتی تبدیلی سے متعلق مؤقف پر پوری دنیا پاکستان کیساتھ کھڑی ہوئی۔
جینیوا میں ریزیلئنٹ کانفرنس کے موقع پر دنیا نے ہمارا بھرپور ساتھ دیا۔ حالیہ سیلاب میں امریکا اور چین نے ہماری بھرپور مدد کی۔
وزیر خارجہ بلاول بھٹو زرداری کا کہنا تھا مشکل وقت میں دنیا کا ساتھ دینا ہماری بہترین خارجہ پالیسی کا ثبوت ہے۔ ہمارے فارن سروس آفیسرز نے دنیا بھر میں پاکستان کا مؤقف بہترین انداز میں پیش کیا۔
پاکستان کو مختلف قسم کے بحرانوں کا سامنا ہے۔ ہمیں ہر میدان میں جدید ٹیکنالوجی کے استعمال کو فروغ دینا ہے۔
