بلوچستان میں محکمہ انسدادِ دہشتگردی نے شر پسندوں کے خلاف گھیرا تنگ کر دیا۔ ترجمان سی ٹی ڈی بلوچستان کے مطابق بلوچستان کے علاقے بسیمہ میں دہشت گردوں کے خلاف آپریشن عمل میں لایا گیا۔ خفیہ اطلاع پر ایک مکان میں چھاپہ مارا گیا۔
اس دوران مکان میں موجود دہشت گردوں نے فائرنگ کردی۔ فائرنگ کے تبادلے میں 5 مبینہ دہشت گرد ہلاک ہوئے جبکہ 3 افراد فرار ہونے میں کامیاب رہے۔
مزید پڑھیں
دہشت گردوں کے زیر استعمال گھر سے اسلحہ وگولہ بارود برآمد کیا گیا، جبکہ علاقہ کی سرچنگ کا سلسلہ بھی جاری ہے۔
دوسری جانب ایک اور کارروائی میں 3 مبینہ اغواء کار مارے گئے ہیں۔ ترجمان سی ٹی ڈی کے مطابق ہفتے کو سی ٹی ڈی بلوچستان نے کوئٹہ میں اغواء برائے تاوان کے ملزمان کیخلاف کارروائی کی۔ اس دوران فائرنگ کے تبادلے میں 3 مبینہ اغواء کار ہلاک ہوگئے جبکہ اغوا کاروں کے قبضے سے ایک مغوی بچہ بازیاب کرلیا گیا۔
اغواء کاروں کے قبضے سے اسلحہ وگولہ بارود برآمد کیا گیا۔ بسمیہ اور کوئٹہ میں مارے گئے دہشت گردوں کا تعلق کالعدم تنظیموں سے بتایا گیا ہے۔
