آئی سی سی نے بنگلورو میں کرکٹ ورلڈ کپ 2023 کے 35ویں میچ میں نیوزی لینڈ کے خلاف سلو اوور ریٹ برقرار رکھنے پر پاکستان پر ان کی میچ فیس کا 10 فیصد جرمانہ عائد کر دیا۔
ایمریٹس آئی سی سی ایلیٹ پینل آف میچ ریفریز کے رچی رچرڈسن نے ٹائم الاؤنسز پر غور کرنے کے بعد ہدف سے 2 اوورز کم ہونے پر کپتان بابر اعظم کو ان کی غلطی سے متعلق آگاہ کیا، جس پر بابر اعظم نے غلطی تسلیم کی۔
مزید پڑھیں
آئی سی سی کے ضابطہ اخلاق کے آرٹیکل 2.22، (جو اوور ریٹ کے جرائم سے متعلق ہے) کے مطابق کھلاڑیوں کو مقررہ وقت میں گیند نہ کرنے پر ہر اوور پر میچ فیس کا 5 فیصد جرمانہ عائد کیا جاتا ہے۔
واضح رہے کپتان بابر اعظم نے غلطی تسلیم کر لی تھی، اور مجوزہ سزا کو قبول کر لیا تھا اس لیے باقاعدہ سماعت کی ضرورت نہیں پڑی۔
آن فیلڈ امپائر پال ولسن اور رچرڈ کیٹلبرو، تھرڈ امپائر رچرڈ ایلنگ ورتھ اور چوتھے امپائر جوئل ولسن نے مشترکہ فیصلہ کرتے ہوئے پاکستان پر جرمانہ عائد کیا۔
