امریکی ملٹی نیشنل ٹیکنالوجی کمپنی گوگل نے دسمبر 2023 سے گزشتہ 2 برس سے غیر فعال رہنے والے جی میل اکاؤنٹس ڈیلیٹ کرنے کا اعلان کیا ہے۔ اکاؤنٹ ختم ہونے سے اس سے منسلک ورک اسپیس سروسز بھی ختم ہو جائیں گی۔
میڈیا رپورٹس کے مطابق کم از کم 2 برس سے غیر فعال رہنے والے گوگل اکاؤنٹ کے صارفین کو ای میل موصول ہونا شروع ہو گئی ہیں جس میں انہیں خبردار کیا گیا ہے کہ اگر وہ لاگ ان نہیں ہوتے ہیں تو ان کا اکاؤنٹ یکم دسمبر 2023 سے مستقل طور پر ڈیلیٹ کر دیا جائے گا۔
مزید پڑھیں
رواں سال مئی میں گوگل نے اعلان کیا تھا کہ جو اکاؤنٹس طویل عرصے سے استعمال نہیں کیے گئے ہیں وہ سیکیورٹی خطرات کا باعث بن سکتے ہیں جس کے پیش نظر گوگل نے اپنی پالیسی پر نظر ثانی کی اور فیصلہ کیا کہ 2 سال یا اس سے زائد مدت سے غیر فعال رہنے والے جی میل اکاؤنٹس کو ختم کر دیا جائے گا۔
گوگل اکاؤنٹ کے ختم ہونے سے اس سے منسلک تمام اہم ورک اسپیس سروسز بھی ہمیشہ کے لیے ختم ہو جائیں گی جس کا مطلب یہ ہے کہ آپ کی تمام ای میلز، تصاویر میں اسٹور کردہ میڈیا میں فائلیں، ڈاکومنٹس، اور نوٹس بھی ختم کر دیے جائیں گے۔
