ملک بھر میں یکم ستمبر سے منشیات کے خلاف کریک ڈاؤن کے نتیجے میں اب تک 40 ہزار کلو سے زائد منشیات برآمد کرلی گئی ہے۔ حکومت پاکستان نے منشیات فروشی کے خلاف کریک ڈاؤن کا آغاز کر رکھا ہے۔ 26 نومبر تا 3 دسمبر کے اعداد و شمار کے مطابق ملک بھر میں 716 کلو منشیات ضبط، 35 مقدمات درج اور 43 گرفتاریاں ہوئیں۔
آپریشن کے دوران بلوچستان سے 458 کلو گرام، کے پی سے 28 کلوگرام، گلگت سے 136 کلو گرام، پنجاب سے 51 کلوگرام اور سندھ سے 43 کلو گرام منشیات ضبط کی گئیں۔
یکم ستمبر سے 3 دسمبر تک کریک ڈاؤن کے دوران ملک بھر سے 40764 کلو منشیات برآمد اور 539 سے زائد مجرمان گرفتار کیے جاچکے ہیں۔ متعلقہ اداروں نے بلوچستان سے 80 کلو گرام ہیروئن، 1089 کلو چرس اور 520 کلو افیم اور گلگت سے 128 کلو گرام چرس اور 56 کلو افیم ضبط کی۔
پنجاب سے 33 کلو گرام اور سندھ سے 85 کلو گرام چرس ضبط ہوئی۔ اب تک ملک بھر سے 368 کلو ہیروئن، 12503 کلو چرس، 885 کلو میتھ اور 1620 کلو افیم ضبط کی جاچکی ہے۔
