ٹیلی کام کمپنی ٹیلی نار کی پاکستان میں فروخت کے بعد کمپنی کے مائیکرو فنانس بینک کی جانب سے وضاحت کی گئی ہے کہ صارفین افواہوں پر کان نہ دھریں، ٹیلی نار مائیکرو فنانس بینک اور اس کا فلیگ شپ پروگرام ایزی پیسا اس فروخت کا حصہ نہیں ہیں۔
ایزی پیسا نے سماجی رابطے کی ویب سائٹ ’ایکس‘ پر وضاحت کرتے ہوئے کہا ہے کہ ہمارے آپریشنز معمول کے مطابق جاری رہیں گے اور صارفین کے ڈیپازٹس مکمل طور پر محفوظ ہیں، کوئی بھی مائیکروفنانس یا ایزی پیسا صارف متاثر نہیں ہو گا۔
ٹیلی نار پاکستان کی فروخت کے بارے میں حالیہ خبروں کے تناظر میں ہم اپنے معزز صارفین کو یقین دلاتے ہیں کہ ہمارے آپریشنز معمول کے مطابق جاری رہیں گے۔ٹیلی نار ما ئیکرو فنانس بینک اور اس کا فلیگ شپ پروگرام ایزی پیسہ اس فروخت کاحصہ نہیں ہے۔آپ کے ڈیپازٹس مکمل طور پر محفوظ ہیں اور اس پیش…
— easypaisa (@easypaisa) December 18, 2023
بیان میں مزید کہا گیا ہے کہ ٹیلی نارمائیکرو فنانس بینک اور ایزی پیسا آزاد مالیاتی ادارہ ہے جو اسٹیٹ بینک آف پاکستان کی عمل داری کے تحت چلایا جاتا ہے۔ یہ ٹیلی نار بی وی اور آنٹ گروپ کا جائنٹ وینچر ہے جس کے شیئر ہولڈرز مائیکروفنانس بینک سے ڈیجیٹل ریٹیل بینک میں تبدیلی کے جاری عمل کے لیے پرعزم ہیں جو ریگولیٹری منظوریوں سے مشروط ہے۔
ٹیلی نارمائیکرو فنانس بینک اور ایزی پیسہ آزاد مالیاتی ادارہ ہے جو اسٹیٹ بینک آف پاکستان کی عمل داری کے تحت چلایا جاتا ہے۔یہ ٹیلی نار بی وی اور آنٹ گروپ کا جائنٹ وینچر ہے جس کے شیئر ہولڈرز مائیکروفنانس بینک سے ڈیجیٹل ریٹیل بینک میں تبدیلی کے جاری عمل کے لئے پرعزم ہیں جو ریگولیٹری…
— easypaisa (@easypaisa) December 18, 2023
ذمہ داران نے صارفین سے درخواست کی ہے کہ وہ افواہوں پر کان نہ دھریں اور خدمات کے اعلیٰ معیارات کوبرقرار رکھنے کی ہماری کوششوں پر اعتماد کریں۔ ’آپ کا اعتماد ہمارے لیے بہت اہم ہے اور ہمارے آپریشنز بلاتعطل جاری رہیں گے۔ ہم اپنے مشن کے عین مطابق مالی طور پر جامع اور ڈیجیٹل پاکستان کے لیے پرعزم ہیں‘۔
ہم اپنے صارفین سے درخواست کرتے ہیں کہ وہ افواہوں پر کان نہ دھریں اور خدمات کے اعلیٰ معیارات کوبرقرار رکھنے کی ہماری کوششوں پر اعتماد کریں۔آپ کا اعتماد ہمارے لئے بہت اہم ہے اور ہمارے آپریشنز بلاتعطل جاری رہیں گے۔ہم اپنے مشن کے عین مطابق مالی طور پر جامع اور ڈیجیٹل پاکستان کے لئے…
— easypaisa (@easypaisa) December 18, 2023
واضح رہے کہ پی ٹی سی ایل نے ٹیلی نار کے شیئرز خرید لیے ہیں جس کے بعد افواہیں گردش کر رہی تھیں کہ جن صارفین کے ایزی پیسا اکاؤنٹ میں رقم پڑی ہوئی ہے وہ یکم جنوری سے قبل نکال لیں ورنہ ضائع ہو جائے گی مگر اب کمپنی نے ایسی تمام افواہوں کی تردید کر دی ہے۔
