آج کل انسٹا گرام پر ایک ویڈیو گردش کر رہی ہے جس میں اداکارہ اور ماڈل ہانیہ عامر کی شادی سے متعلق بات کی جا رہی ہے۔ اس ویڈیو کے سوشل میڈیا پر آنے کے بعد ان کی شادی کے بارے میں قیاس آرائیاں کی جا رہی ہیں۔
وائرل ویڈیو کلپ میں دیکھا جا سکتا ہے کہ میک اپ آرٹسٹ بابر ظہیر انکشاف کرتے ہیں کہ ہانیہ عامر کی اگلے ماہ شادی ہو رہی ہے۔ بابر ظہیر کی اس بات سے ہانیہ عامر کے چہرے پر حیرانی کا تاثر ابھرتا ہے۔
بابر ظہیریہ بات کہنے کے بعد ہانیہ سے پوچھتے ہیں کہ کیا یہ مضحکہ خیز بات ہے؟ جس پر ہانیہ کہتی ہیں کہ نہیں، یہ مضحکہ خیز نہیں ہے۔ بابر ظہیر پھر کہتے ہیں کہ یہ واقعی مضحکہ خیز ہے۔ ہانیہ عامر دوبارہ وہی جواب دیتی ہیں کہ یہ مضحکہ خیز نہیں ہے۔
Related Posts
بعد ازاں اس پوسٹ کے کمنٹس سیکشن میں بابر ظہیر نے لکھا کہ وہ ہانیہ عامر کی شادی سے متعلق کئی بار بات کر چکے ہیں۔ جواب میں ہانیہ نے بابر ظہیر کو مزید ایسی باتیں کرنے سے رکنے کا کہا جس پر میک اپ آرٹسٹ نے یقین دلایا کہ وہ آئندہ ایسا نہیں کریں گے۔
’مجھے پیار ہوا تھا‘، ’وصال‘، ’عشقیہ‘ اور ’میرے ہمسفر‘ جیسے مقبول ڈراموں میں جاندار اداکاری کرنے والی ہانیہ عامر کے مداح گلوکار عاصم اظہر سے بریک اَپ کے بعد ان کی شادی کے منتظر ہیں اور جاننا چاہتے ہیں کہ وہ کب اور کس سے شادی کریں گی۔
واضح رہے کہ ہانیہ عامر کے انسٹاگرام پر 11.6 ملین فالوورز ہیں جنہیں وہ اپنی زندگی کے ذاتی اور پیشہ ورانہ پہلوؤں کے بارے میں دلکش انداز انداز سے اپ ڈیٹ کرتی رہتی ہیں مگر انہوں نے ابھی تک اپنی ازدواجی حیثیت کے حوالے سے کوئی باضابطہ اعلان نہیں کیا۔
