سپر اسٹار امیتابھ بچن کو لتا دیناناتھ منگیشکر ایوارڈ کیوں دیا گیا؟

سپر اسٹار امیتابھ بچن کو لتا دیناناتھ منگیشکر ایوارڈ سے نوازا گیا ہے۔ منگیشکر خاندان نے لتا منگیشکر کی یاد میں 2022 میں لتا دیناناتھ منگیشکر ایوارڈ کا اجرا کیا تھا۔ لتا دیناناتھ منگیشکر ایوارڈ ہر سال ایسے فرد کو دیا جاتا ہے جس نے ملک، اس کے لوگوں اور معاشرے کے لیے نمایاں خدمات انجام دی ہوں۔

پہلام لتا دیناناتھ منگیشکر ایوارڈ وزیراعظم نریندر مودی کو دیا گیا تھا۔ اس کے بعد 2023 میں یہ اعزاز لتا منگیشکر کی بہن آشا بھونسلے کو دیا گیا تھا۔

امیتابھ بچن کو یہ اعزاز لتا منگیشکر کے والد اور موسیقی کے لیجنڈ دینا ناتھ منگیشکر کے میموریل ڈے پر دیا گیا۔ امیتابھ بچن نے بتایا کہ ان کے والد اور معروف شاعر ہری ونش رائے بچن نے لتا منگیشکر کی آواز کا موازنہ ’شہد‘ سے کیا تھا۔ انہوں نے کہا کہ میں خوش قسمت ہوں کہ مجھے یہ ایوارڈ ملا، میں نے خود کو کبھی اس قابل نہیں سمجھا۔

آسکر ایوارڈ یافتہ موسیقار اے آر رحمن کو ماسٹر دیناناتھ منگیشکر ایوارڈ سے نوازا گیا۔ اے آر رحمان نے لتا منگیشکر اور آشا بھوسلے کے کئی سپر ہٹ گانوں کی موسیقی ترتیب دے کر انہیں امر کیا ہے۔