پاکستان کے سابق کرکٹر شعیب ملک کی سابق اہلیہ ثانیہ مرزا نے گزشتہ سال فروری 2023 میں ٹینس کے کھیل کو ہمیشہ کے لیے خیر باد کہہ دیا تھا تاہم اب بھارت کی سابق ٹینس اسٹار ایک ٹینس اکیڈمی چلاتی ہیں جہاں وہ لڑکے لڑکیوں کو اس کھیل کی تربیت دیتی ہیں۔
بھارتی معروف ٹینس اسٹار ثانیہ مرزا نے والد عمران مرزا اور بہن انعم مرزا کے ہمراہ حج کی سعادت بھی حاصل کر لی ہے اور وہ 25 جون کو بھارت واپس پہنچی تھیں۔
یہ بھی پڑھیں: انسانوں کے سامنے رونے سے بہتر اللہ کے سامنے رونا ہے، ثانیہ مرزا
ثانیہ مرزا تقریباً 9 برانڈز کی بھی مالکن ہیں جن میں چاکلیٹ پراڈکٹس ہرشیز، ایشین پینٹس شامل ہیں جبکہ ان کی متحدہ عرب امارات میں پراپرٹیز بھی ہیں۔
View this post on Instagram
انہوں نے حال ہی میں انسٹاگرام پر اپنی مصروفیات شیئر کی ہیں جس کے مطابق آج کل فلائٹس میں سفر کرنے کے علاوہ وہ لولی پاپس اور پانی پوری سے بھی لطف اندوز ہورہی ہیں۔ اس کے علاوہ اہل خاندان اور دوستوں کو بھی وقت دے رہی ہیں۔ فارغ وقت میں لڈو کھیلنا بھی آج کل ان کے معمولات میں شامل ہے۔
مزید پڑھیے: ثانیہ مرزا کے نئے رنگ برنگے لباس نے سوشل میڈیا پر دھوم مچا دی
علاوہ ازیں ثانیہ ان دنوں تقاریب میں شرکت کا بھی وقت نکال رہی ہیں اور ساتھ ہی ان کی مختلف برانڈز کے لیے شوٹنگ کا سلسلہ بھی جاری ہے۔
