بھارت سے تعلق رکھنے والے ایک کمپیوٹر سائنسدان پرتیک ڈیسائی کا کہنا ہے کہ انسان مرنے کے بعد بھی زندہ رہ سکتا ہے۔
بھارت کے کمپیوٹر سائنسدان پراتیک ڈیسائی نے اپنی ایک ٹویٹ میں لکھا کہ’تحریری مواد،
گفتگو کی آڈیو اور ویڈیو کے ساتھ اپنے والدین،بڑوں اور پیاروں کی باقاعدگی سے ریکارڈنگز کرنا شروع کر دیں۔تا کہ وہ مرنے کے بعد بھی زندہ رہ سکیں۔
پراتیک ڈیسائی نے مزید لکھا کہ اس بات کا 100فیصد امکان ہے کہ اگر طبعی طور پر ان کا جسم موجود نہ بھی ہوتو پھر بھی وہ ہمیشہ آپ کے ساتھ رہیں گے اور ایسا سال کے آخر تک ممکن ہو سکتا ہے۔
Start regularly recording your parents, elders and loved ones. With enough transcript data, new voice synthesis and video models, there is a 100% chance that they will live with you forever after leaving physical body. This should be even possible by end of the year.
— Pratik Desai (@chheplo) April 8, 2023
اس سے قبل میٹا ورس فرم سومنیم سپیس نے بھی ’لائیو فار ایور‘کا فیچر پیش کیا تھا جو کہ مصنوعی ذہانت(آرٹی فیشل انٹیلی جنس) پر مبنی فیچر ہے۔
اس فیچر کا مقصد افراد کو میٹا ورس میں ان کے پیاروں سے بات کروانا ہے۔
میٹا ورس فرم سومنیم سپیس کے سی ای او آرٹر سائیکوو کے مطابق لوگ اپنے پیاروں کے مرنے تک ان کےبات کرنے،چلنےیا ان کی آواز کا ڈیٹا محفوظ کر سکتےہیں۔
بعد میں ان مرے ہوئے لوگوں کو اواتار کے ذریعے واپس لایا جا سکتا ہے۔
اس کے علاوہ امریکا کی ڈیپ برین کمپنی نے بھی ’ری میموری‘ کے نام سے فیچر متعارف کروایا تھا۔جس کی مدد سے لوگ اپنے پیاروں سے بات کر سکتے ہیں جو اس دنیا میں نہیں رہے۔
