وزیراعظم کے مشیر، سابق وزیر داخلہ اور مسلم لیگ ن کے رہنما رانا ثنا اللہ کے ناقابل ضمانت وارنٹ جاری کر دیے گئے۔ عدالت میں گرفتار کرکے پیش کرنیکا حکم۔
یہ بھی پڑھیں:پی ٹی آئی سیاسی گفتگو کرنا چاہتی ہے تو ہم تیار ہیں، رانا ثنا اللہ
جوڈیشل مجسٹریٹ گجرنوالہ سدرہ گل نواز نے رانا ثنا اللہ کے وارنٹ گرفتاری جاری کرتے ہوئے انہیں گرفتار کر کے 12 دسمبر کو عدالت میں پیش کرنے کا حکم دیا ہے۔
اسی کے ساتھ ہی عدالت نے رانا ثنا اللہ کے ناقابل ضمانت وارنٹ گرفتاری جاری کر دیے گئے ہیں۔
واضح رہے کہ رانا ثنا اللہ کے خلاف تھانہ سیٹلائٹ ٹاؤن میں درج مقدمہ عدالت میں زیر سماعت ہے۔ یہ مقدمہ 16 اکتوبر 2020 کو گوجرانوالہ میں پی ڈی ایم جلسے کے روز درج کیا گیا تھا۔
رانا ثنا کے خلاف درج ایف آئی آر کے مطابق ان پر پولیس اہلکاروں پر گاڑی چڑھانے کا الزام ہے، مقدمے میں خرم دستگیر، عمران خالد اور سلمان خالد بٹ پہلے ہی بری ہو چکے ہیں۔
