وفاقی وزیر خزانہ اسحاق ڈار کا کہنا ہے کہ پاکستان نے آئی ایم ایف کے ساتھ ہونے والے اسٹاف لیول معاہدے کی شرائط پوری کردی ہیں اور توقع ہے کہ یہ معاہدہ اب جلد ہوجائے گا۔
اسحاق ڈار نے جیو ٹی وی کو انٹرویو دیتے ہوئے کہا ہے کہ آئی ایم ایف اسٹاف لیول معاہدہ جلد کرکے ایگزیکٹو بورڈ سے منظور کرائے گا۔
وفاقی وزیر خزانہ نے بتایا کہ سعودی عرب اور متحدہ عرب امارات (یو اے ای) نے پاکستان کو 3 ارب ڈالرکی فنانسنگ سے متعلق عالمی مالیاتی ادارے کو مطلع کردیا ہے۔
اسحاق ڈار کے مطابق سعودی عرب کی طرف سے پاکستان کو 2 ارب ڈالر اور یو اے ای کی طرف سے پاکستان کو ایک ارب ڈالر دینے کی تصدیق کی گئی ہے۔
ان کا کہنا ہے کہ پاکستان اور آئی ایم ایف کے درمیان اسٹاف لیول معاہدےکی تمام شرائط پوری کردی گئی ہیں۔
