جوائنٹ اسٹاف ہیڈکوارٹرز راولپنڈی میں بنگلہ دیش آرمی کے کوارٹر ماسٹر جنرل لیفٹیننٹ جنرل محمد فیض الرحمٰن نے چیئرمین جوائنٹ چیفس آف اسٹاف کمیٹی جنرل ساحر شمشاد مرزا (نشانِ امتیاز، نشانِ امتیاز ملٹری) سے ملاقات کی۔
ملاقات میں خطے کی موجودہ سیکیورٹی صورتحال اور دفاع و سلامتی کے شعبے میں تعاون کے فروغ پر تبادلہ خیال کیا گیا۔
یہ بھی پڑھیے: یمن، بنگلہ دیش، کینیڈا، پاکستان سمیت ساری دنیا بھارتی دہشتگردی سے واقف ہے، میجر جنرل (ر) زاہد محمود
جنرل ساحر شمشاد مرزا نے پاکستان اور بنگلہ دیش کے درمیان بڑھتے ہوئے تعلقات کو اجاگر کرتے ہوئے دفاعی تعاون کے نئے پہلوؤں کی نشاندہی کی۔
بنگلہ دیش کے کوارٹر ماسٹر جنرل نے پاک فوج کے پیشہ ورانہ معیار کو سراہا اور دہشت گردی کے خلاف قربانیوں کا اعتراف کیا۔
