لاہور میں دریائے راوی کے کنارے واقع ایک معروف سوسائٹی کی رہائشی ڈاکٹر نبیہہ علی خان کی ویڈیو سے شروع ہونے والی کہانی ایک نیا رخ اختیار کر گئی ہے۔ واضح رہے کہ دریائے راوی میں طغیانی کے باعث پارک ویو سمیت متعدد ہاؤسنگ سوسائٹیز میں پانی داخل ہوگیا، جس سے متعدد گھر زیرِ آب آگئے۔
ڈاکٹر نبیحہ جو پارک ویو میں رہتی ہیں وہ بتا رہیں کہ انہوں نے 5 سال پہلے 2020 میں اورسیز بلاک میں گھر بنایا جو دریائے راوی کے بلکل ساتھ ہے مطلب 2020 میں جب RUDA بنی تو پارک ویو سوسائیٹی دریا کے کنارے پہنچ چکی تھی اور یوتھڑے بکواس کر رہے 2024 میں مریم نواز نے NOC دیا۔ pic.twitter.com/HaExAO2bix
— Moonis S. (@RxCommerceMogul) August 31, 2025
متاثرین نے سوشل میڈیا پر ویڈیوز شیئر کیں، جن میں ڈاکٹر نبیہہ علی خان بھی شامل تھیں۔ ان ویڈیوز سے شروع ہونے والی کہانی نے ایک نیا موڑ اختیار کیا ہے اور یہ انکشاف ہوا ہے کہ ڈاکٹر نبیہہ علی خان جس گھر میں پانی داخل ہونے اور اس کی ملکیت کا دعویٰ کر رہی تھیں، وہ ان کا ملکیتی گھر نہیں ہے، بلکہ وہ کرائے پر رہ رہی ہیں۔
بریکنگ نیوز!
علیم خان کی پارک ویو سوسائٹی کیخلاف ویڈیوز پہ ویڈیو بنانے والی میک اپ اور بیک کومبنگ والی باجی کا فراڈ پکڑا گیا ۔ اخے میرا کروڑوں کا گھر سیلاب میں ڈوب گیا اب میں گھر بیچ بھی نہیں سکتی پارک ویو انتظامیہ مجھے گھر کی مکمل رقم ادا کرے ۔۔۔۔ اور وہ گھر کرائے کا نکلا مالک… https://t.co/0L3flqnjUO pic.twitter.com/Q4ApOnZBkN
— Sadia Khalid (@SadiasOfficial) September 2, 2025
ڈاکٹر نبیہہ نے اپنے ایک پوڈ کاسٹ میں گفتگو کرتے ہوئے بتایا کہ وہ پہلے 2 سال تک اسی سوسائٹی میں کرایہ پر رہتی رہی ہیں۔ اسی دوران ان کے بھائی نے سوسائٹی نے زمین خریدی اور اس پر گھر تعمیر کیا جس میں وہ رہائش پذیر ہیں۔
ان کے مطابق یہ گھر بنانے پر کروڑوں روپے خرچ ہوئے اور ماضی میں انہیں کسی مشکل کا سامنا نہیں کرنا پڑا، تاہم اب سیلاب کے بعد وہ سوسائٹی میں مزید رہائش اختیار نہیں کرنا چاہتیں۔
چند دن پہلے دنیا کی سب سے مظلوم ڈاکڑ
ایک واری فیر پی ٹی آئی کی لانچ کی ہوئی یوتھنی رنگے ہاتھوں جھوٹ بولتی پکڑی گئی ہے۔
Dr. Nabiha’s Rental Home Shocks Everyone۔ https://t.co/wCmgOtMncW pic.twitter.com/KfslHnrkw2— BobGi (@Babajee09) September 2, 2025
پوڈ کاسٹ میں انہوں نے مطالبہ کیا کہ مالکان متاثرہ مکینوں کو معاوضہ فراہم کریں کیونکہ انہیں یقین دہانی کرائی گئی تھی کہ یہاں ہر سہولت میسر ہوگی۔
تاہم حال ہی میں ایک دوسرے انٹرویو میں مکان کے اصل مالک سامنے آئے۔ ان کا نام حنیف گورائیہ ہے اور وہ بنیادی طور پر ایک وکیل ہیں۔ ان کا کہنا تھا کہ انہوں نے اکتوبر 2024 میں ڈاکٹر نبیہہ کے بھائی سے معاہدہ کرایہ داری کیا تھا اور وہ ڈاکٹر نبیہہ کے بھائی کی شناخت سے ناواقف تھے۔ مالک مکان نے اس موقع پر کرایہ نامی بھی دکھایا۔
مالک مکان کے مطابق ڈاکٹر نبیہہ کرایہ دار ہیں، مالک نہیں۔ اگر انہیں بات کرنا تھی تو سوسائٹی کے مسائل پر کرنی چاہیے تھی، نہ کہ وہ خود کو مالک ظاہر کرتیں۔
مالک مکان کا یہ بھی کہنا ہے کہ ان کے گھر میں اندر تک پانی نہیں آیا، ملحقہ خالی پلاٹ میں پانی ضرور آیا جس کی وجہ سے ان کے گھر کی بنیادوں کا نقصان ہوا۔
’ڈاکٹر نبیہہ نے آواز اٹھائی ہے تو یہ اچھی بات ہے۔ اگر اس کے جواب میں سوسائٹی نقصان پورا کر رہی ہے
تو یہ بھی اچھی بات ہے۔‘
Oscar-worthy performance by Dr Nabiha pic.twitter.com/TyXm0uz7PB
— Maheen (@MeenKhan_) September 2, 2025
اسی دوران ڈاکٹر نبیہہ نے وضاحت دی کہ انہوں نے کبھی مکان کو اپنی ملکیت قرار نہیں دیا۔ یہی کہا تھا کہ مکان ان کے بھائی کے نام پر ہے۔ ان کے مطابق اصل مسئلہ مکان کی ملکیت نہیں بلکہ سیلاب سے ہونے والا نقصان ہے، جس سے وہ اور دیگر خاندان متاثر ہوئے ہیں۔
انہوں نے بتایا کہ ان کی ویڈیو کا مقصد متاثرہ رہائشیوں کے حقوق کے لیے آواز بلند کرنا تھا، نہ کہ ذاتی فائدہ۔ انہوں نے اس الزام کو غلط قرار دیا کہ انہوں نے ویڈیوز بنانے کے لیے کسی سے کوئی روپیہ پیسہ لیا ہے۔
She married four times in search of the perfect husband, but I’m not sure if this is her first home.
I believe she also needs experience in buying homes. Hopefully, one day she’ll find a home that won’t flood. #DrNabiha #parkview
— Albert Kafka (@Kafka2Kafka) August 30, 2025
ڈاکٹر نبیہہ نے یہ بھی کہا کہ سیلاب کے دوران ان کا آئی فون 16 پرو میکس بھی گم ہوگیا ہے، جو اب تک نہیں ملا۔ علاوہ ازیں انہوں نے یہ بھی دعویٰ کیا کہ ان کا کروڑوں کا نقصان ہوا ہے جس میں جیولری اور نقدی بھی شامل تھی اور گھر کا نیا فرنیچر بھی تھا۔ جب ان سے پوچھا گیا کہ جیولری کی مالیت اور نقدی کتنی تھی، انہوں نے بتانے سے گریز کیا۔
