وزیراعلیٰ پنجاب مریم نواز شریف کی ہدایت پر صوبہ بھر میں مہنگا آٹا فروخت کرنے والوں کے خلاف بڑا کریک ڈاؤن جاری ہے۔
وزیراعلیٰ پنجاب مریم نواز شریف کی ہدایت پر صوبہ بھر کی عام مارکیٹ میں آٹے کے تھیلوں کی وافر سپلائی یقینی بنائی جارہی ہے۔
سیکرٹری پرائس کنٹرول ڈاکٹر کرن خورشید کے مطابق گزشتہ 24 گھنٹوں کے دوران پنجاب میں 8 لاکھ 27 ہزار آٹا تھیلے فراہم کیے گئے۔ 4 لاکھ 87 ہزار سے زائد 10 کلو آٹا تھیلے عام مارکیٹ میں سپلائی کیے گئے۔
یہ بھی پڑھیے آٹے کے نرخ ناجائز طور پر بڑھانے کی اجازت نہیں دیں گے، وزیراعلی پنجاب مریم نواز شریف
3 لاکھ 40 ہزار 20 کلو آٹا تھیلے سرکاری نرخوں پر فراہم کیے گئے۔ صرف لاہور ڈویژن کی عام مارکیٹ میں 2 لاکھ 60 ہزار تھیلے فراہم کیے گئے۔
ڈاکٹر کرن خورشید نے بتایا کہ 10 کلو آٹا تھیلے کی قیمت 905 روپے اور 20 کلو آٹا تھیلے کی قیمت 1810 روپے مقرر کی گئی ہے۔ سرکاری نرخوں پر آٹے اور روٹی کی قیمت پر ہر صورت عملدرآمد کرایا جائے گا۔ پرائس کنٹرول مجسٹریٹس کی کارکردگی کو جیو ٹیگنگ کے ذریعے مانیٹر کیا جارہا ہے۔
یہ بھی پڑھیں : گندم اور آٹے کی قیمت میں اچانک بڑا اضافہ، وجہ کیا ہے؟
مزید بتایا گیا کہ صوبہ بھر میں مہنگا آٹا فروخت کرنے والے 1052 افراد کو جرمانے اور 17 افراد کو گرفتار کیا گیا ہے۔
