پرنس ولیم نے شہزادے اینڈریو کی سابقہ اہلیہ سارہ فرگوسن کو واضح پیغام دیا ہے کہ انہیں اپنی ذمہ داریوں کا سامنا کرنا ہوگا اور اگر کوئی سنجیدہ سوالات اٹھائے جارہے ہیں تو انہیں صرف مناسب قانونی عمل کے ذریعے حل کیا جانا چاہیے۔
یہ بھی پڑھیں: برطانوی شہزادے اینڈریو کی سابقہ اہلیہ سارہ فرگوسن طویل عرصے بعد منظر عام پر
میڈیا رپورٹس کے مطابق پرنس ولیم نے یہ بھی کہا ہے کہ ایپسٹین اسکینڈل سے منسلک ہر شخص کو تحقیقات میں مکمل تعاون کرنا چاہیے اور اس تنازعے سے ذاتی فائدہ اٹھانے کی کوشش نہیں کرنی چاہیے۔
سارہ فرگوسن پر ممکنہ طور پر یہ دباؤ تھا کہ وہ اپنی کہانی کو میڈیا یا پبلشرز کے ذریعے بیچنے کی کوشش کرسکتی ہیں، لیکن پرنس ولیم کے پیغام میں اسے ایسا کرنے سے سختی سے روکا گیا ہے۔
پرنس ولیم کی نظر میں اصل فوکس شفافیت اور جوابدہی ہونا چاہیے، نہ کہ کسی کو موقع دینا کہ وہ میڈیا انٹرویوز یا یادداشتوں کے ذریعے اپنی کہانی بیچیں۔
یہ بھی پڑھیں: برطانوی شاہی خاندان کی سابق رکن سارہ فرگوسن آسٹریلیا جانے کی خواہشمند لیکن سانپوں کا خوف آڑے
انہوں نے پیغام دیا کہ سارہ فرگوسن کو حقائق سامنے آنے کے لیے قانونی عمل کے ساتھ مکمل تعاون کرنا چاہیے اور عوامی رائے کو کتابوں، دستاویزی فلموں یا پیڈ انٹرویوز کے ذریعے تبدیل کرنے کی کوشش نہیں کرنی چاہیے۔
پرنس ولیم کے مطابق مناسب راستہ یہی ہے کہ تحقیقات میں مکمل تعاون کیا جائے تاکہ حقائق صحیح طور پر سامنے آئیں اور اسکینڈل کو میڈیا شوز یا ذاتی کہانیوں کا حصہ نہ بنایا جائے۔
