وزیر اعظم شہباز شریف کا کہنا ہے کہ معاشرے کو انتہا پسندی اور دہشتگردی کی گرداب سے نکالنے کے لیے رحمت للعالمین اتھارٹی کا کردار اہم ہے۔
یہ بھی پڑھیں: سیرت فیسٹیول: مقررین کا سوشل میڈیا کے منفی رجحانات اور فیک نیوز پر اظہارِ تشویش
قومی رحمت للعالمین و خاتم النبیین اتھارٹی کے زیر اہتمام تیسرے سالانہ انٹرنیشنل سیرت فیسٹیول کی اختتامی تقریب میں وزیراعظم شہباز شریف کا پیغام پڑھ کر سنایا گیا جس میں اتھارٹی کی کاوشوں کو سراہا گیا۔
تقریب سے خطاب کرتے ہوئے اسپیکر پنجاب اسمبلی ملک محمد احمد خان نے کہا ہے کہ معاشرے میں انتہا پسندی اور دہشتگردی کا بڑھتا رجحان تشویش ناک ہے جس کے تدارک میں اتھارٹی کا کردار انتہائی اہم ہے۔
اس موقعے پر چیئرمین اتھارٹی ڈاکٹر خورشید ندیم نے کہا کہ سیرت النبی ﷺ کی روشنی میں آئندہ 10 سے 15 برس میں پاکستان کی اسلامی اور نظریاتی اساس سے جڑا معاشرہ تشکیل دینے کی کوشش کی جائے گی۔
مزید پڑھیے: تیسرا بین الاقوامی سیرت فیسٹیول 12 سے 14 اکتوبر تک اسلام آباد میں منعقد ہوگا
3 روزہ فیسٹیول میں کتابوں کی نمائش، سیرت ایگزیبیشن اور یوتھ کنونشن کا انعقاد بھی کیا گیا جس میں مختلف مکاتب فکر کے علما، جامعات کے اسکالرز اور راولپنڈی اسلام آباد کے تعلیمی اداروں کے طلبہ و طالبات نے بڑی تعداد میں شرکت کی۔
