برطانیہ میں پولیس نے مبینہ طور پر مہنگی دکانوں اور سپر مارکیٹس سے منظم انداز میں چوری کی منصوبہ بندی کرنے کے الزام میں 6 خواتین اور ایک مرد کو گرفتار کر لیا ہے۔
مزید پڑھیں: ٹرمپ کی برطانیہ سے تجارتی معاہدہ ختم کرنے کی دھمکی
یہ کارروائی ایک مہم کے بعد سامنے آئی ہے جو ’ٹیک بیک پاور‘ نامی گروپ کی جانب سے چلائی گئی تھی۔ اس گروپ نے خود کو ایک غیر پرتشدد سول مزاحمتی تنظیم قرار دیتے ہوئے مارچ میں دعویٰ کیا تھا کہ اس کے حامی افراد دکانوں سے اشیا لے کر بغیر ادائیگی کے نکل گئے اور بعد میں وہ سامان فوڈ بینکس کو فراہم کیا گیا۔
Eight activists charged after Crown Jewels and The Ritz targeted
Take Back Power shared footage on social media of the incident, which showed one protester slamming a large foil tray of crumble at the glass. Another then poured a tub of bright yellow custard on the front of the… pic.twitter.com/zDKcfuhiZ9
— WeGotitBack 🏴🇬🇧🇺🇸 (@NotFarLeftAtAll) April 19, 2026
گریٹر مانچسٹر پولیس نے لندن کی میٹروپولیٹن پولیس کے تعاون سے اتوار کے روز ان افراد کو حراست میں لیا۔ پولیس کے مطابق گرفتار افراد پر چوری کی سازش کا شبہ ہے۔
پولیس کا کہنا ہے کہ ملزمان ملک بھر میں بڑی سپر مارکیٹس اور مہنگی دکانوں سے سامان لے کر اسے دیگر مقامات پر تقسیم کرنے کا ارادہ رکھتے تھے۔
مزید پڑھیں: پاکستان کی عالمی سفارتی کوششوں کے برطانوی پارلیمنٹ میں چرچے، برطانیہ کے وزیراعظم کا پاکستان کا شکریہ
’ٹیک بیک پاور‘ گروپ اس سے قبل بھی اعلان کر چکا ہے کہ وہ انگلینڈ بھر میں ایسے گروپس تشکیل دے رہا ہے جو بڑی کمپنیوں اور امیر طبقے کی ملکیت دکانوں سے ضروری اشیا لے کر مستحق افراد تک پہنچائیں گے۔
گریٹر مانچسٹر پولیس کی اسسٹنٹ چیف کانسٹیبل اسٹیف پارک کا کہنا ہے کہ منظم جرائم کو کسی صورت برداشت نہیں کیا جائے گا۔
