نائب وزیرِاعظم و وزیرِ خارجہ اسحاق ڈار نے آج شام کرغز جمہوریہ کے وزیرِ خارجہ جین بیک کلو بایف سے ٹیلیفونک رابطہ کیا۔
دونوں رہنماؤں نے اپنی گفتگو کے دوران دوطرفہ تعلقات اور خطے کی بدلتی ہوئی صورتحال پر تفصیلی تبادلۂ خیال کیا گیا۔
یہ بھی پڑھیں: پاکستان اور ترکی کا تنازعات کے پرامن حل کے لیے سفارتکاری پر زور
ترجمان دفتر خارجہ کے مطابق دونوں رہنماؤں نے پاکستان اور کرغزستان کے درمیان مضبوط تعلقات پر اطمینان کا اظہار کرتے ہوئے انہیں مزید فروغ دینے کے عزم کا اعادہ کیا۔
Deputy Prime Minister/Foreign Minister Senator Ishaq Dar @MIshaqDar50 held a telephone conversation this evening with Foreign Minister of the Kyrgyz Republic, Jeenbek Kulubaev.
They exchanged views on bilateral ties and reaffirmed the strength of Pakistan–Kyrgyz relations.… pic.twitter.com/fGyAAUBeOn
— Ministry of Foreign Affairs – Pakistan (@ForeignOfficePk) April 22, 2026
علاقائی صورتحال پر بات کرتے ہوئے کرغز وزیرِ خارجہ نے پاکستان کی جانب سے امن و استحکام کے لیے مکالمے اور سفارتکاری کے فروغ میں ادا کیے جانے والے تعمیری کردار کو سراہا۔
اسحاق ڈار نے بھی باہمی تعاون کو مزید وسعت دینے کی ضرورت پر زور دیا۔
مزید پڑھیں: ایران امریکا مذاکرات پر دنیا کی نظریں مگر اس میں رکاوٹیں کیا ہیں؟
دونوں وزرائے خارجہ نے اس بات پر اتفاق کیا کہ وہ اہم امور پر قریبی رابطے میں رہیں گے تاکہ دوطرفہ اور علاقائی سطح پر تعاون کو مؤثر بنایا جا سکے۔
یہ رابطہ پاکستان کی فعال سفارت کاری اور خطے میں امن کے لیے جاری کوششوں کا عکاس قرار دیا جا رہا ہے۔
