نائب وزیرِاعظم و وزیرِ خارجہ سینیٹر محمد اسحاق ڈار نے آج روسی فیڈریشن کے وزیرِ خارجہ سرگئی لاوروف سے ٹیلیفون پر گفتگو میں دوطرفہ تعلقات اور عالمی سطح پر تعاون کے امور پر تفصیلی تبادلہ خیال کیا گیا۔
یہ بھی پڑھیں:امریکا ایران مذاکرات میں سفارتکاری، میئر لندن کی وزیراعظم شہباز شریف کی کوششوں کی تعریف
ترجمان دفتر خارجہ کے مطابق دونوں رہنماؤں نے بین الاقوامی امن و سلامتی کے فروغ کے لیے کثیرالجہتی فورمز پر باہمی تعاون پر گفتگو کی۔
Deputy Prime Minister/Foreign Minister H.E. Senator Mohammad Ishaq Dar today held a telephonic conversation with the Foreign Minister of the Russian Federation, H.E. Sergey Lavrov.
The two leaders discussed bilateral relations and cooperation at multilateral fora in support of… pic.twitter.com/qljwBNJW9a
— Ministry of Foreign Affairs – Pakistan (@ForeignOfficePk) April 24, 2026
اس موقع پر روسی وزیرِ خارجہ نے ایران اور امریکا کے درمیان مذاکرات کی بحالی میں پاکستان کے تعمیری کردار کو سراہا۔
وزیرِ خارجہ اسحاق ڈار نے اس عزم کا اعادہ کیا کہ پاکستان خطے اور دنیا میں مسائل کے حل کے لیے مکالمے اور سفارتکاری کے فروغ کی کوششیں جاری رکھے گا۔
مزید پڑھیں: ایرانی صدر کی پاکستانی اور روسی قیادت سے گفتگو، جنگ بندی کے لیے 3 شرائط پیش کردیں
گفتگو کے دوران دونوں رہنماؤں نے اعلیٰ سطح کے روابط کی اہمیت پر زور دیتے ہوئے وزیراعظم شہباز شریف کے مجوزہ دورہ روس کو باہمی طور پر موزوں وقت پر جلد از جلد شیڈول کرنے پر بھی تبادلہ خیال کیا۔
دونوں ممالک کے وزرائے خارجہ نے مستقبل میں رابطے برقرار رکھنے پر اتفاق کیا، اسحاق ڈار نے روسی وزیرِ خارجہ کو پاکستان کے دورے کی دعوت بھی دی۔
