امریکا نے پاسپورٹ کا نیا ڈیزائن متعارف کرا دیا ہے جس میں امریکی صدر ڈونلڈ ٹرمپ کی تصویر شامل کی گئی ہے۔
مزید پڑھیں: امریکی صدر ڈونلڈ ٹرمپ کو ماضی میں کب مسلح حملوں اور دھمکیوں کا سامنا رہا؟
امریکی محکمہ خارجہ کے مطابق محدود تعداد میں یادگاری پاسپورٹس جاری کیے جائیں گے جن میں صدر ٹرمپ کا پورٹریٹ شامل ہوگا۔ یہ اقدام امریکا کی آزادی کے 250 سال مکمل ہونے کی تقریبات کے سلسلے میں جولائی میں کیا جا رہا ہے۔
View this post on Instagram
محکمہ خارجہ کے ترجمان کے مطابق ان پاسپورٹس میں جدید اور منفرد ڈیزائن کے ساتھ سیکیورٹی فیچرز بدستور برقرار رہیں گے۔ جاری کردہ نمونوں میں پاسپورٹ کے ایک صفحے پر ٹرمپ کی تصویر جبکہ سامنے 1776 میں اعلانِ آزادی پر دستخط کا منظر دکھایا گیا ہے۔
حکام کا کہنا ہے کہ یہ واضح نہیں کہ شہریوں کو اس یادگاری پاسپورٹ کے حصول سے انکار کا اختیار ہوگا یا نہیں، تاہم اس کے لیے کوئی اضافی فیس وصول نہیں کی جائے گی۔
اس سے قبل بھی ٹرمپ انتظامیہ کی جانب سے مختلف سرکاری اشیا اور منصوبوں پر صدر کا نام یا تصویر شامل کی جا چکی ہے، جن میں یادگاری سکے، کرنسی پر دستخط، اور دیگر سرکاری اقدامات شامل ہیں۔
