بنگلہ دیش کے سابق حکومتی مشیر محفوظ عالم نے دعویٰ کیا ہے کہ پابندی کی شکار بنگلہ دیش عوامی لیگ مختلف سیاسی اور سماجی پیشرفتوں کے باعث ملک کے سیاسی منظرنامے میں مؤثر طور پر ’واپس‘ آ چکی ہے۔
جولائی تحریک کی حکمتِ عملی کے معماروں میں شمار کیے جانیوالے رہنما محفوظ عالم نے فیس بک پر اپنی ایک طویل پوسٹ می عوامی لیگ کی سرگرمیوں پر پابندیاں کے باوجود ’سیاسی بحالی‘ کی تقریباً 20 وجوہات بیان کی ہیں۔
انہوں نے مؤقف اختیار کیا کہ اس جماعت کی واپسی اس وقت شروع ہوئی جب ان کے مطابق ’آزادی مخالف قوتوں‘ نے 2024 کی سیاسی تحریک کو 1971 کی جنگِ آزادی کے جذبے کے خلاف کھڑا کیا۔
یہ بھی پڑھیں: نئے گنگا معاہدے پر بھارت سے تعلقات منحصر ہوں گے، بنگلہ دیش کا دوٹوک مؤقف
انہوں نے عبوری حکومت کے بعض عناصر پر بھی الزام لگایا کہ وہ دائیں بازو کی سیاست کے فروغ کی حوصلہ افزائی کر رہے ہیں اور جمہوری اصولوں کو برقرار رکھنے میں ناکام رہے ہیں۔
محفوظ عالم نے الزام عائد کیا کہ قانون کی حکمرانی کی جگہ ’ہجوم کی حکمرانی‘ نے لے لی ہے۔
ان کے مطابق سیاسی عدم برداشت، مزارات پر حملے، مساجد میں اختلافی آوازوں کو دبانے اور مبینہ طور پر ہندو برادری پر حملوں پر خاموشی نے عوامی لیگ کے لیے سیاسی جگہ دوبارہ پیدا کی ہے۔
আওয়ামী লীগ সেদিনই ব্যাক করেছে, যেদিন চব্বিশকে একাত্তরের বিরুদ্ধে দাঁড় করিয়েছিলো স্বাধীনতাবিরোধী শক্তি: সাবেক উপদেষ্টা মাহফুজ আলম pic.twitter.com/Di8pNdrOQS
— Ekhon TV (@ekhon_tv) May 19, 2026
سابق مشیر نے مزید دعویٰ کیا کہ انتہا پسند گروہوں کو ’محفوظ پناہ گاہیں‘ دی گئیں، جبکہ سیکولر سوچ رکھنے والے شہری دائیں بازو کے ریاستی سرپرستی میں ابھار پر تشویش میں مبتلا ہیں۔
اپنی پوسٹ میں انہوں نے عبوری حکومت کے طرزِ حکمرانی کو بھی تنقید کا نشانہ بنایا اور کہا کہ حکومت حد سے زیادہ بیوروکریٹک ہو چکی ہے اور چند افراد پر مشتمل ’کچن کابینہ‘ پر انحصار کر رہی ہے۔
مزید پڑھیں: بنگلہ دیش میں بھارت کے خلاف لاوا پکنے لگا، اپوزیشن نے ’بارڈر لانگ مارچ تحریک‘ کی دھمکی دیدی
جس پر مبینہ طور پر مختلف بڑی سیاسی جماعتوں کے خفیہ حامی اثر انداز ہیں، جن میں بنگلہ دیش نیشنلسٹ پارٹی اور بنگلہ دیش جماعت اسلامی بھی شامل ہیں۔
انہوں نے یہ بھی کہا کہ اصلاحات پر عملدرآمد کی ناکامی، ریاستی اداروں کی سیاسی وابستگی، میڈیا اور ثقافتی اداروں پر حملے اور طلبہ تحریکوں میں بڑھتی ہوئی گروہ بندی نے عوامی لیگ مخالف سیاسی اتحاد کو کمزور کیا ہے۔
مزید پڑھیں: بنگلہ دیش میں مالی بحران، مرکزی بینک نے 5 مالیاتی ادارے بند کرنے کا فیصلہ کر لیا
بعد ازاں فیس بک پر ایک وضاحتی پوسٹ میں انہوں نے کہا کہ ان کے خیالات کو کسی جماعت کی حمایت نہیں بلکہ سیاسی تجزیے کے طور پر دیکھا جائے۔
انہوں نے تمام فاشزم مخالف قوتوں کے درمیان اتحاد کی اپیل کی اور کہا کہ انسانی حقوق کا دفاع سیاسی یا مذہبی وابستگی سے بالاتر ہو کر کیا جانا چاہیے۔
انہوں نے اقلیتوں اور مزارات پر حملوں کی تحقیقات، جولائی کے واقعات میں ہلاکتوں پر احتساب اور ادارہ جاتی اصلاحات کا مطالبہ بھی کیا۔
