سعودی حج سیکیورٹی فورسز برائے ٹریفک نے اعلان کیا ہے کہ حج سیزن کے دوران مشاعر مقدسہ میں غیر مجاز گاڑیوں کے داخلے پر پابندی عائد کر دی گئی ہے۔ یہ پابندی 5 ذوالحجہ سے نافذ ہوگی اور 13 ذوالحجہ تک برقرار رہے گی تاکہ حجاج کرام کی نقل و حرکت کو آسان اور ٹریفک نظام کو مؤثر بنایا جا سکے۔
یہ بھی پڑھیے حج 2026: سعودی سیکیورٹی فورسز مکمل طور پر تیار، جدید ٹیکنالوجی کا مظاہرہ
سعودی عرب کی حج سیکیورٹی فورسز برائے ٹریفک نے اعلان کیا ہے کہ غیر مجاز گاڑیوں کو 5 ذوالحجہ کی رات 12 بجے سے مشاعر مقدسہ میں داخل ہونے کی اجازت نہیں ہوگی۔ یہ پابندی 13 ذوالحجہ 1447 ہجری کے اختتام تک نافذ العمل رہے گی۔
سعودی وزارت داخلہ کی جانب سے جاری بیان کے مطابق اس اقدام کا مقصد حج کے دوران ٹریفک کی روانی برقرار رکھنا، حجاج کرام کی آمدورفت کو آسان بنانا اور مشاعر مقدسہ میں ہجوم کو منظم انداز میں کنٹرول کرنا ہے۔
یہ بھی پڑھیے خطبہ حج دنیا بھر میں 35 زبانوں میں نشر کیا جائے گا
حکام کا کہنا ہے کہ حج سیزن کے دوران لاکھوں عازمین کی نقل و حرکت کو محفوظ اور منظم بنانے کے لیے خصوصی ٹریفک پلان ترتیب دیا گیا ہے، جس کے تحت صرف مجاز گاڑیوں کو ہی مقررہ مقامات میں داخلے کی اجازت ہوگی۔
