وفاقی حکومت نے عید کے تیسرے دن عوام کو بڑا تحفہ دیتے ہوئے پیٹرولیم مصنوعات کی قیمتوں میں نمایاں کمی کا اعلان کر دیا ہے۔
وزیر اعظم آفس میڈیا ونگ کی جانب سے جاری اعلامیے کے مطابق پیٹرول اور ڈیزل دونوں کی قیمت میں 22، 22 روپے فی لیٹر کمی کی گئی ہے، جس کا اطلاق فوری طور پر ہوگا۔ حکومت کے اس فیصلے کو عوامی ریلیف کے ایک اہم اقدام کے طور پر دیکھا جا رہا ہے۔
لاہور: 29مئی، 2026
*عید کے تیسرے دن عوام کے لئے تحفہ*
*وفاقی حکومت کا پٹرول کی قیمت میں 22 روپے کمی اور ڈیزل کی قیمت میں بھی 22 روپے کمی کا فیصلہ کیا گیا ہے*۔
عوام کو ریلیف دینا میری اولین ترجیحات میں شامل ہے۔ وزیراعظم
پچھلے ھفتے بھی عوام کو ریلیف دیا گیا اور پیٹرول اور ڈیزل…
— Government of Pakistan (@GovtofPakistan) May 29, 2026
اعلامیے میں کہا گیا ہے کہ وزیراعظم شہباز شریف نے قوم سے وعدہ کیا تھا کہ جیسے ہی مالی گنجائش پیدا ہوگی، عوام کو ریلیف فراہم کیا جائے گا، اور اس وعدے پر عملی طور پر پیشرفت کی گئی ہے۔
وزیراعظم نے کہا کہ عوام کو ریلیف دینا حکومت کی اولین ترجیحات میں شامل ہے، اور معاشی حالات کے مطابق یہ سلسلہ آئندہ بھی جاری رکھا جائے گا۔
مزید کہا گیا ہے کہ گزشتہ ہفتے بھی پیٹرول اور ڈیزل کی قیمتوں میں کمی کی گئی تھی، جبکہ حکومت نے مشکل معاشی حالات کے باوجود عوام کو سہولت دینے کا سلسلہ جاری رکھا ہوا ہے۔
اعلامیے کے مطابق وفاقی حکومت نے پبلک ٹرانسپورٹ، گڈز ٹرانسپورٹ، موٹر سائیکل اور رکشہ استعمال کرنے والوں کے لیے فیول سبسڈی بھی فراہم کی ہے تاکہ عام شہریوں پر مہنگائی کا بوجھ کم کیا جا سکے۔
یہ بھی پڑھیں:کیا روس سے سستا خام تیل خرید کر پاکستان میں پیٹرول کی قیمت کم کی جا سکتی ہے؟
حکومتی مؤقف میں کہا گیا ہے کہ عالمی سطح پر تیل کے بحران اور قیمتوں میں اضافے کے باوجود پاکستان میں بروقت اقدامات کے ذریعے سپلائی اور قیمتوں میں استحکام برقرار رکھا گیا، جبکہ مشکل حالات میں بھی عوام کو مسلسل ریلیف فراہم کیا جاتا رہا ہے۔
