چین کا مشرقِ وسطیٰ میں کشیدگی کم کرنے کے لیے ٹھوس اقدامات کا مطالبہ

بدھ 10 جون 2026

چین نے مشرقِ وسطیٰ میں جاری کشیدہ صورتحال پر تشویش کا اظہار کرتے ہوئے تمام متعلقہ فریقوں پر زور دیا ہے کہ وہ حالات کو مزید بگاڑنے سے گریز کریں اور خطے میں کشیدگی کم کرنے کے لیے ٹھوس اقدامات کریں۔

چینی وزارتِ خارجہ کے ترجمان لن جیان نے اپنے بیان میں کہا کہ امریکا، اسرائیل اور ایران کے درمیان گزشتہ 3 ماہ سے جاری تنازع نے خلیجی ممالک اور پورے مشرقِ وسطیٰ کے خطے کو شدید متاثر کیا ہے۔

یہ بھی پڑھیں: چین نے مشرقِ وسطیٰ جنگ پر خطرے کی گھنٹی بجا دی

انہوں نے کہا کہ حقائق سے ثابت ہو چکا ہے کہ فوجی ذرائع مسائل کا حل نہیں ہوتے اور طاقت کا بے جا استعمال صورتحال کو مزید پیچیدہ بنا دیتا ہے۔

#China's Foreign Ministry Spokesman Lin Jian calls on all parties in the Middle East to exercise restraint, stressing the need to achieve a comprehensive ceasefire across the region.https://t.co/FqQyCL0IQu #KUNA pic.twitter.com/Qag4900XFo

— Kuwait News Agency – English Feed (@kuna_en) June 9, 2026

لن جیان نے کہا کہ ایران اور امریکا کے درمیان مذاکرات ایک اہم مرحلے میں داخل ہو چکے ہیں، ایسے وقت میں کسی بھی فریق کو فوجی تنازع کو دوبارہ بھڑکانے سے گریز کرنا چاہیے۔

انہوں نے زور دیا کہ خطے کے ممالک کی خودمختاری، سلامتی اور علاقائی سالمیت کا احترام اور تحفظ یقینی بنایا جائے۔

چینی ترجمان کے مطابق اختلافات اور تنازعات کو فوجی کارروائیوں یا طاقت کے ذریعے حل نہیں کیا جا سکتا۔

انہوں نے متعلقہ فریقوں سے مطالبہ کیا کہ وہ تحمل اور بردباری کا مظاہرہ کریں، ایسے تصادم آمیز اقدامات روکیں جو کشیدگی میں اضافے کا سبب بن سکتے ہیں، اور سیاسی و سفارتی ذرائع سے مسائل کے حل کی کوشش کریں۔

چین نے مزید کہا کہ تمام فریق مل کر حالات کو ٹھنڈا کرنے، کشیدگی میں کمی لانے اور خطے میں جامع اور دیرپا جنگ بندی کے جلد قیام کے لیے عملی اقدامات کریں۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں