امریکی صدر ڈونلڈ ٹرمپ نے 2025 کے مالیاتی گوشواروں میں انکشاف کیا ہے کہ انہوں نے اپنے خاندانی کرپٹو منصوبوں سے 1.4 ارب ڈالر سے زائد آمدن حاصل کی۔
دستاویزات کے مطابق ورلڈ لبرٹی فنانشل سے قریباً 80 کروڑ ڈالر جبکہ ٹرمپ میم کوائن کی فروخت سے 63 کروڑ 50 لاکھ ڈالر آمدن ہوئی۔
رائٹرز کے مطابق کرپٹو اب ٹرمپ کی آمدن کا سب سے بڑا ذریعہ بن چکا ہے۔ وائٹ ہاؤس کا کہنا ہے کہ صدر یا ان کے خاندان نے کسی مفادات کے ٹکراؤ میں حصہ نہیں لیا جبکہ ناقدین کا مؤقف ہے کہ کرپٹو سے متعلق حکومتی پالیسیوں اور ٹرمپ کے کاروباری مفادات پر مزید اخلاقی نگرانی کی ضرورت ہے۔
مزید پڑھیں:امریکی صدر ڈونلڈ ٹرمپ کا ایرانی قیادت کے ساتھ معاہدہ طے پا جانے اور حملہ منسوخ کرنے کا اعلان
دوسری جانب سابق وفاقی اخلاقیات دفتر کے قائم مقام سربراہ ڈان فاکس نے کہا کہ اگرچہ امریکی قانون کے تحت صدر اور نائب صدر مفادات کے ٹکراؤ سے متعلق بعض قواعد سے مستثنیٰ ہوتے ہیں، تاہم واٹرگیٹ کے بعد آنے والے قریباً تمام صدور نے اپنی مالی سرگرمیوں میں احتیاط برتی، جبکہ ٹرمپ کے دور میں یہ روایات قریباً ختم ہوتی دکھائی دیتی ہیں۔
