چین نے سال 2025 کے اعلیٰ ترین سائنس و ٹیکنالوجی ایوارڈز لیتھیم بیٹری ٹیکنالوجی کے بانی چن لی چھوان اور ریڈار ٹیکنالوجی کے ممتاز ماہر بین دے کو عطا کر دیے۔
چن لی چھوان، جو 1940 میں پیدا ہوئے، چائنیز اکیڈمی آف سائنسز کے انسٹیٹیوٹ آف فزکس سے وابستہ محقق اور چائنیز اکیڈمی آف انجینئرنگ کے رکن ہیں۔ انہیں چین میں لیتھیم بیٹری صنعت کا بانی، رہنما اور اہم معمار سمجھا جاتا ہے۔
مزید پڑھیں:چین کا جدید مصنوعی ذہانت ماڈلز تک غیر ملکی رسائی محدود کرنے پر غور
1938 میں پیدا ہونے والے بین دے، چائنا الیکٹرانکس ٹیکنالوجی گروپ کارپوریشن کے محقق اور چائنیز اکیڈمی آف انجینئرنگ کے رکن ہیں۔ انہیں چین میں فضائی پلس ڈوپلر ریڈار، فیزڈ ایرے ریڈار اور خلائی نگرانی کے ریڈار نظام کی ترقی میں نمایاں کردار ادا کرنے پر یہ اعزاز دیا گیا۔
Two Chinese academicians, Chen Liquan and Ben De, won China’s top sci-tech award on Wednesday. pic.twitter.com/mBLSItNUnj
— ZoieYiyi (@ZoieYiyi) July 8, 2026
ایوارڈز بدھ کو بیجنگ میں منعقدہ قومی سائنس و ٹیکنالوجی ایوارڈز کانفرنس، چائنیز اکیڈمی آف سائنسز اور چائنیز اکیڈمی آف انجینئرنگ کے جنرل اجلاسوں، اور چائنا ایسوسی ایشن فار سائنس اینڈ ٹیکنالوجی کی 11ویں قومی کانگریس کے مشترکہ اجلاس میں دیے گئے۔
مزید پڑھیں: پاکستان اور چین کا انسدادِ دہشتگردی و داخلی سلامتی میں تعاون مزید مضبوط بنانے پر اتفاق
تقریب کے دوران مجموعی طور پر 258 سائنسی و تکنیکی منصوبوں اور 11 ممتاز سائنس دانوں کو مختلف قومی اعزازات سے نوازا گیا۔ ان میں 51 منصوبوں کو ریاستی قدرتی سائنس ایوارڈ، 58 منصوبوں کو ریاستی ٹیکنالوجیکل انوینشن ایوارڈ اور 149 منصوبوں کو ریاستی سائنسی و تکنیکی ترقیاتی ایوارڈ دیا گیا، جبکہ 2 اعلیٰ ترین قومی ایوارڈز کے علاوہ 9 غیرملکی ماہرین کو چین کے بین الاقوامی سائنسی و تکنیکی تعاون ایوارڈ سے بھی نوازا گیا۔
