عالمی شہرت یافتہ کینیڈین گلوکار جسٹن بیبر کو فیفا ورلڈ کپ فائنل کے ہاف ٹائم شو کے شریک ہیڈلائنر کے طور پر شامل کر لیا گیا ہے۔ وہ میڈونا، شکیرا اور جنوبی کورین میوزک گروپ بی ٹی ایس سمیت دیگر عالمی فنکاروں کے ساتھ اس تاریخی تقریب میں پرفارم کریں گے۔
فیفا ورلڈ کپ فائنل کا ہاف ٹائم شو 19 جولائی کو نیویارک نیو جرسی اسٹیڈیم میں منعقد ہوگا جسے ٹورنامنٹ کی تاریخ کی سب سے شاندار میوزیکل تقریبات میں سے ایک قرار دیا جا رہا ہے۔
View this post on Instagram
تقریب میں نائجیرین گلوکار برنا بوائے، معروف کنڈکٹر گستاوو دودامیل اور پی ایس 22 کورس بھی حصہ لیں گے جو اسٹیٹن آئی لینڈ کے ایک ایلیمنٹری اسکول کے چوتھی اور پانچویں جماعت کے طلبہ پر مشتمل ہے۔ یہ کورس برطانوی بینڈ کولڈ پلے کے ہمراہ پرفارم کرے گا۔
11 منٹ پر مشتمل اس خصوصی ہاف ٹائم شو کی تیاری اور نگرانی کولڈ پلے کے مرکزی گلوکار کرس مارٹن کر رہے ہیں۔
یہ بھی پڑھیں: ’دھاندلی کے باوجود امریکا ہار گیا‘، فیفا ورلڈ کپ میں بیلجیئم کی جیت پر سوشل میڈیا میمز سے بھر گیا
جسٹن بیبر نے تقریب میں شرکت پر خوشی کا اظہار کرتے ہوئے کہا کہ فیفا ورلڈ کپ دنیا کو ایک پلیٹ فارم پر جمع کرنے کی منفرد صلاحیت رکھتا ہے اور انہیں اس تقریب کا حصہ بننے پر فخر ہے خصوصاً اس لیے کہ یہ ایونٹ دنیا بھر کے بچوں کے لیے تعلیم تک رسائی بڑھانے میں بھی معاون ثابت ہو رہا ہے۔
View this post on Instagram
برنا بوائے نے کہا کہ فیفا ورلڈ کپ کے پہلے فائنل ہاف ٹائم شو میں افریقہ کی نمائندگی کرنا ان کے لیے اعزاز اور بڑی ذمہ داری ہے۔ ان کے مطابق یہ تقریب نہ صرف فٹبال اور ثقافت کا جشن ہے بلکہ بچوں کے لیے تعلیم کے بہتر مواقع پیدا کرنے کی ایک اہم کوشش بھی ہے۔
یہ بھی پڑھیں: فیفا ورلڈ کپ 2026 سے متعلق سمپسنز کی پیشگوئی غلط ثابت ہوگئی
واضح رہے کہ یہ اپریل میں کوچیلا میوزک فیسٹیول میں پرفارمنس کے بعد جسٹن بیبر کی پہلی عوامی پیشی ہوگی، جس کے باعث ان کے مداح اس شو کے لیے بے حد پرجوش ہیں۔
